​ការ​មាន​គណនេយ្យករ​ដែល​ទ​ទួល​បានការ​បណ្តុះបណ្តាល​ពេញលេញ​ គឺមាន​សារៈសំខាន់​ណាស់​សម្រាប់​វិស័យ​ហិរញ្ញវត្ថុ និង​ធុរកិច្ច​របស់​កម្ពុជា ហើយ​វិទ្យាស្ថាន CamEd Business School ដែលជា​វិទ្យាស្ថាន​កម្រិត​​ឧ​ត្ត​ម​សិក្សា​ដ៏​ល្បីល្បាញ​នៅ​កម្ពុជា ដែល​ត្រូវបាន​ទទួលស្គាល់​ជា​អន្តរ​ជាតិ កំពុង​បន្ត​ធានា​ដល់​តម្រូវការ​ទាំង​នេះ​។

វិទ្យាស្ថាន CamEd មាន​ឯកទេស​បង្រៀន​ជំនាញ​គណនេយ្យ និង​ហិរញ្ញ​​វត្ថុ ហើយ​ទទួលបាន​ការទទួលស្គាល់​ដោយ​កម្មវិធី​សមាគម​គណនេយ្យករ​ជំនាញ​នៅ​ប្រទេស​អង់គ្លេស ដែល​ហៅ កាត់​ថា (ACCA)​។

ចំពោះ​ថ្នាក់អនុបណ្ឌិត​ផ្នែក​គណ​​នេ​យ្យ និង​ហិរញ្ញវត្ថុ Master of Science in Accounting & Finance + ACCA របស់ CamEd ​គឺ​បំពេញ​តាម​តម្រូវការ​របស់​កម្ពុជា​​សម្រាប់​ការអភិវឌ្ឍ​វិជ្ជាជីវៈ​នេះ​ឱ្យ​កាន់​តែ​ទូលំទូលាយ ដោយ​រួមបញ្ចូល​នូវ​ឧត្តមភាព​នៃ​ការសិក្សា​ជាមួយ​វិ​ញ្ញា​​ប​នប​ត្រ ACCA ដែល​ទទួលស្គាល់​ជា​អន្តរជាតិ​។​

វគ្គ​សិក្សា​នេះ​ផ្តល់នូវ​ភាព​ងាយ​​ស្រួល​សម្រាប់​និស្សិត ដើម្បី​ក្លាយជា​អ្នកជំនាញ​ផ្នែក​គណនេយ្យ និង​ហិរញ្ញវត្ថុ ដែលមាន​ជំនាញ​ខ្ពស់ មាន​ទាំង​ចំណេះដឹង ទាំង​ទ្រឹស្តី និង​ការ​​អនុវត្ត​ជាក់ស្តែង​ដែលមាន​សារៈ​​សំខាន់​សម្រាប់ ភាពជោគជ័យ​នៅក្នុង​បរិយាកាស​អាជីវ​កម្មស​កល​នាពេល​​បច្ចុប្បន្ននេះ​។

នាយិកា​រង​នៃ​វិទ្យាស្ថាន CamEd ​លោកស្រី សំ សុគន្ធា​រី បាន​មានប្រសាសន៍ថា៖ «​នៅ​សាលា CamEd​ ចក្ខុវិស័យ​របស់​យើង​ គឺ​អភិវឌ្ឍ​សហ​​គម​ន៍​អ្នកជំនាញ​នៅក្នុង​វិស័យ​ធុរកិច្ច​ឱ្យស្រប​ទៅនឹង​អ្នក​នៅក្នុង​មជ្ឈមណ្ឌល ធុរកិច្ច​អន្តរជាតិ ដោយ​ប្រកាន់យក​នូវ​គំនិត​ផ្តួចផ្តើម​ជា​អ្នកដឹកនាំ និង​លើក​​កម្ពស់​ស្តង់ដា​សីលធម៌​ខ្ពស់​»​។

«​បេសកកម្ម​របស់​យើង គឺ​ផ្តល់​ការ​អប់រំ​ថ្នាក់​ឧ​ត្ត​មសិ​ក្សា ដោយ​ផ្តោតលើ​ធុរកិច្ច​ឈានទៅរក​គុណវុឌ្ឍិ​នៃ​គុណ​​ភាព និង​ការទទួលស្គាល់​ជា​អន្តរជាតិ​ហើយ​គុណភាពនៃ​និស្សិត​របស់​យើង ​គឺ​ទទួលស្គាល់​ដោយ​ក្រុមហ៊ុន​ដ៏​មាន​កិត្យានុភាព​ជាច្រើន ដោយសារតែ​ CamEd មាន​កម្មវិធីសិក្សា​ដែល​បង្រៀន​និស្សិត​ឱ្យ​ត្រៀមខ្លួន​សម្រាប់​ទីផ្សារការងារ​»​។

គណនេយ្យករ​ដែលមាន​វិជ្ជាជីវៈ​ទាំងនេះ​​ គឺ​ធានាបាន​នូវ​កំណត់ត្រា​ហិរញ្ញវត្ថុ​ដ៏​ត្រឹមត្រូវ ដែល​ប្រកាន់ខ្ជាប់​នូវ​ស្តង់ដា​គណនេយ្យ និង​អនុលោម​តាម​បទ​ប្បញ្ញត្តិ​ពន្ធដារ​ក៏ដូចជា​ការ​​កាត់បន្ថយ​កំហុសឆ្គង និង​ហានិភ័យ​ផ្នែក​ច្បាប់ ដោយសារតែ​ពួកគេ​មាន​ជំនាញ​ច្បាស់លាស់​ក្នុងការ​ផ្តល់នូវ​​សុក្រឹតភាព និង​អនុលោម​តាមច្បាប់​។

គណនេយ្យករ​ដែលមាន​គុណវុឌ្ឍិ​ ​គឺ​ផ្តល់​ចំណេះដឹង​ដ៏​មានតម្លៃ​សម្រាប់ ធ្វើការ​សម្រេចចិត្ត​លើ​ការវិនិយោគ​ការបែងចែក​ធនធាន និង​យុទ្ធសាស្ត្រ​ហិរញ្ញវត្ថុ ដែលមាន​សារៈសំខាន់​ក្នុងការ​សម្រេចចិត្ត​ផ្នែក​ហិរញ្ញវត្ថុ​ដ៏​ឆ្លាត​វៃ​ហើយ​ពួកគេ​ក៏​ជួយ​លើកកម្ពស់​តម្លា​​ភាព​បង្កើត​ទំនុកចិត្ត​ជាមួយ​វិ​និ​យោ​​គិ​ន និង​ភាគី​ពាក់ព័ន្ធ​ដែល​ពឹង​ផ្អែកលើ​ព័ត៌មាន​ហិរញ្ញវត្ថុ​ត្រឹមត្រូវ​។

លោកស្រី សំ សុគន្ធា​រី បាន​មានប្រសាសន៍ថា​៖ «​ភាពខ្លាំង​របស់​កម្ម​វិធី​សិក្សា​នេះ គឺ​ស្ថិតនៅលើ​កម្មវិធី​របស់​ខ្លួន ហើយ​សាលា CamEd មាន​ក្រុម​សាស្ត្រាចារ្យ​ដែលមាន​សមត្ថភាព​លំដាប់​អន្តរជាតិ ដែល​ត្រូវបាន​ជ្រើសរើស​យ៉ាង​ល្អិតល្អន់ តាមរយៈ​ដំណើរការ​ជ្រើសរើស​យ៉ាង​ហ្មត់ចត់​បំផុត​»​។

«​អ្នកជំនាញ​ទាំងនេះ​មាន​បទ​ពិ​​សោធន៍​ជ្រៅជ្រះ​នៅក្នុង​ឧស្សាហ​​កម្មនេះ ពួកគាត់​បាន​នាំមក​នូវ​ចំណេះ​​ដឹង​ជាក់ស្តែង​មកពី​ក្រុមហ៊ុន និង​ស្ថាប័ន​ឈានមុខ​មក​បង្រៀន​នៅ​​ក្នុង​ថ្នាក់រៀន​»​។

ថ្នាក់​ហិរញ្ញវត្ថុ​របស់ CamEd ធានាថា​ និស្សិត​មានឱកាស​សិក្សា​រៀន​​សូត្រ​ពី​ទស្សនៈ​ល្អៗ​នៅក្នុង​វិស័យនេះ​ពី​បណ្តាញ​អតីត​និស្សិត​ដ៏​ធំ​ទូលាយ​របស់​សាលា ដែល​អាចជួយ​ឱ្យ​និស្សិត ទទួលបាន​ការងារ​នៅក្នុង​ក្រុមហ៊ុន​​ដ៏​មាន​កិត្យានុភាព បន្ទាប់ពី​បញ្ចប់​ការសិក្សា​។

លោក​ ពៅ សុ​ផា អ្នកត្រួតពិនិត្យ​ផ្នែក​ប្រឹក្សា​ការងារ​និស្សិត​នៅ CamEd បាន​មានប្រសាសន៍ថា៖ «​អតីត​និស្សិត​របស់​យើង​ក៏​ជា​ផ្នែក​មួយ​នៃ​ដំណើរការ​ដែលមាន​តាម​រយៈ​បណ្តាញ​ផងដែរ​ដោយ​និយោជក​ដឹងថា​ គុណភាព​និស្សិតរបស់ CamEd គឺ​ខ្ពស់ ដែល​ពួកគេ​នឹង​ក្លាយជា​ធនធាន​បន្ថែម​ដ៏​មានគុណ​តម្លៃ ដល់​ក្រុមហ៊ុន​របស់​ពួកគេ​»​។

«​ជាមួយ CamEd ដែល​ទទួលស្គាល់​ដោយ​ស្ថាប័ន​ដ៏​មាន​កិត្យានុភាព​កម្រិត​អន្តរជាតិ​ជាច្រើន ដូចជា ACBSP នៅ​សហរដ្ឋអាមេរិក ACCA Platinum Tuition Provider នៅ​ចក្រភព​អង់គ្លេស​, CFA QS Stars និង AUN-QA របស់​អាស៊ាន​, ទាំងនេះ​ធានាថា​និស្សិត​របស់​យើង​ទាំងអស់ នឹង​ទទួលបាន​ការអប់រំ​ដែលមាន​គុណភាព​ខ្ពស់​»​។

នៅក្នុង​វិស័យ​ហិរញ្ញវត្ថុ និង​អាជីវកម្ម​ដែល​កំពុង​រីកចម្រើន​យ៉ាង​ឆាប់រហ័ស​នៅ​កម្ពុជា​បណ្តុំ​គណនេយ្យករ​ដែល​ទទួល​បានការ​បណ្តុះបណ្តាល​យ៉ាង​ល្អ​នេះ គឺមាន​សារៈសំខាន់​ណាស់​សម្រាប់​ស្ថិរភាព និង​និរន្តរភាព​វែងឆ្ងាយ​។

កម្មវិធីសិក្សា​ថ្នាក់អនុបណ្ឌិត Master of Science in Accounting & Finance + ACCA របស់​វិទ្យាស្ថាន ​CamEd គឺ​រៀបចំ​និស្សិត​សម្រាប់​អាជីព​ផ្នែក​ហិរញ្ញវត្ថុ ដោយ​ផ្តល់ជូន​នូវ​កម្មវិធីសិក្សា​ដ៏​ទូលំទូលាយ​ដែល​គ្របដណ្តប់​លើ​ប្រធានបទ​សំខាន់ៗ​ជាច្រើន​ដូចជា ការវិភាគ​ហិរញ្ញវត្ថុ​ការគ្រប់គ្រង​ការវិនិយោគ ការ​វាយ​​តម្លៃ​ហានិភ័យ និង​របាយការណ៍​ហិរញ្ញវត្ថុ​ជាដើម​។

តាមរយៈ​ការអនុវត្ត​ការងារ​ជាក់​​ស្តែង ករណី​សិក្សា និង​ការ​ក្លែង​ធ្វើ​នៅក្នុង​ពិភព​ពិត និស្សិត​បង្កើត​ជំនាញ​វិភាគ​ដោះស្រាយ​បញ្ហា និង​ការសម្រេច​ចិត្ត​ដែល​ត្រូវការ​ក្នុងតួនាទី​ហិរញ្ញវត្ថុ​ដោយ​វគ្គ​សិក្សា​នេះ​បំពាក់​ឱ្យ​និស្សិត​នូវ​ចំណេះដឹង​ជំនាញ និង​បទ​ពិ​សោ​​ធន៍​ជាក់ស្តែង ដែល​ចាំបាច់​ដើម្បីឱ្យ​ពួកគេ​ពូកែ​នៅក្នុង​អាជីព​ផ្សេងៗ ដែល​ទាក់ទង​នឹង​ហិរញ្ញវត្ថុ​។

CamEd បន្ត​ពង្រឹង​កេរ្តិ៍ឈ្មោះ​របស់ខ្លួន​សម្រាប់​ការកសាង​អ្នកមាន​ទេពកោសល្យ​ផ្នែក​គណនេយ្យ និង​ហិរញ្ញវត្ថុ​កំពូល តាមរយៈ​វិធីសាស្ត្រ​ជាច្រើន ជាមួយ​ការទទួលស្គាល់​ជា​អន្តរជាតិ ដែល​ធានា​នូវ​ស្តង់ដា​ខ្ពស់បំផុត​នៃ​ការអប់រំ ខណៈដែល​កម្ម​​វិធី​សិក្សា​ពាក់ព័ន្ធ​ប្រកបដោយ​បទ​​ពិសោធន៍​នឹង​ផ្តល់ជូន​និស្សិត​បញ្ចប់​ការសិក្សា​នូវ​ជំនាញ​ចុងក្រោយ​បំផុត​។

«​និស្សិត​បញ្ចប់​ការសិក្សា​របស់​យើង បាន​បន្ត​សម្រេចបាន​នូវ​អ្វីដែល​អស្ចារ្យ នៅក្នុង​អាជីព​របស់​ពួកគេ​ជាមួយ​​នឹង​សេវាកម្ម​អាជីព និង​ឱកាស​សិក្សា​ជាក់ស្តែង ដើម្បី​រៀបចំ​និស្សិត​សម្រាប់​កម្លាំង​ការងារ ខណៈដែល​ទំនាក់ទំនង​នៅក្នុង​វិស័យនេះ ជួយ​សម្រួល​ដល់​ការស្វែងរក​ការងារ​»​។

«​វិទ្យាស្ថាន CamEd ដែល​ការ​បង្រៀន​កម្រិត 5 Stars មកពី QS នៅ​ចក្រភព​អង់គ្លេស គឺ​តែងតែ​ជាប់​ចំណាត់​ថ្នាក់​ក្នុងចំណោម​កម្មវិធីសិក្សា​ដ៏​ល្អ​បំផុត​នៅក្នុង​ប្រទេស ដោយ​ផ្តល់នូវ​កម្មវិធីសិក្សា ដែល​បច្ចុប្បន្ន​មាន​ជំនាញ​និង​ចំណេះដឹង​ក្នុង​ឧស្សាហកម្ម​ចុង​​ក្រោយ ខណៈ​បរិវេណ​សាលា​មាន​ផាសុកភាព និង​ទំនើប​ដែល​ផ្តល់នូវ​បរិយាកាស​សិក្សា​ដ៏​ល្អប្រសើរ​។

លោកស្រី សំ សុគន្ធា​រី បាន​មានប្រសាសន៍​បន្ថែមថា​៖ «​ជាមួយនឹង​គុណភាព​របស់​សាស្ត្រាចារ្យ សាលា នឹង​បន្តធ្វើ​បច្ចុប្បន្នភាព​កម្មវិធីសិក្សា ​និង​ការអនុលោម​តាម​គុណវុឌ្ឍិ​អន្តរ​ជាតិ ACCA ហើយ​និស្សិត​បញ្ចប់​ការ​​សិក្សា​របស់​យើង​មាន​ភាពលេច​ធ្លោ​នៅ​​ពេល ពួកគេ​ចាប់ផ្តើម​លើ​វិថី​អាជីព​របស់​ពួកគេ​»៕