វិស័យហិរញ្ញវត្ថុកម្ពុជា ដែលពីមុនធ្លាប់ពឹងផ្អែកខ្លាំងលើប្រតិបត្តិការសាច់ប្រាក់ និងគ្របដណ្តប់ដោយ ស្ថាប័នធំៗតែមួយចំនួនតូច ឥឡូវនេះកំពុងស្ថិតក្នុងការផ្លាស់ប្តូរដ៏គួរឱ្យកត់សម្គាល់ ជាមួយនឹងការផ្លាស់ប្តូរឆ្ពោះទៅរកបរិយាបន្នហិរញ្ញវត្ថុ ការចាប់យកបច្ចេកវិទ្យា និងបរិយាកាស អាជីវកម្មចម្រុះ កាន់តែប្រសើរ។
ទោះបីសេដ្ឋកិច្ចពិភពលោកស្ថិតនៅក្នុងភាពមិនប្រាកដប្រជាក្តី ប៉ុន្តែមូលនិធិរូបិយវត្ថុអន្តរជាតិ (IMF) និងធនាគារជាតិនៃកម្ពុជា (NBC) ដូចដែលកាសែត ភ្នំពេញ ប៉ុស្តិ៍ បានរាយការណ៍កាលពីដើមឆ្នាំនេះ ដែលបានព្យាករថា កំណើនសេដ្ឋកិច្ចកម្ពុជាសម្រាប់ឆ្នាំ ២០២៤ នឹងមានកំណើនក្នុងអត្រា ៦,១ ខណៈធនាគារជាតិនៃកម្ពុជាបានព្យាករក្នុងកម្រិត ៦,៤ ភាគរយ។
កត្តានេះ គឺត្រូវបានជំរុញដោយការស្ទុះងើបឡើងវិញនៃវិស័យទេសចរណ៍ និងផលិតកម្ម ខណៈអតិផរណានឹងមាន ៣ ភាគរយ និង ២,៥។ ហើយសេដ្ឋកិច្ចកម្ពុជាមានហេតុផលជាច្រើនសម្រាប់សុទិដ្ឋិនិយមនេះ។
ការវិវឌ្ឍដ៏សំខាន់បំផុតមួយនៅក្នុងព្រះរាជាណាចក្រកម្ពុជា គឺកំណើនបរិយាបន្នហិរញ្ញវត្ថុ ដោយមួយភាគធំនៃប្រជាជនកម្ពុជា ជាពិសេសអ្នករស់នៅតំបន់ជនបទ ដែលពីមុនខ្វះលទ្ធភាពទទួលបានសេវាធនាគារ។
ការបញ្ចូលសេវាធនាគារតាមទូរស័ព្ទដៃ ដែលជំរុញដោយធនាគារដែលមានការច្នៃប្រឌិតខ្ពស់ ដូចជា ធនាគារ វីង ជាដើម។ តាមរយៈបណ្តាញរបស់ខ្លួន ដែលមានភ្នាក់ងារប្រមាណ ១១,០០០ នៅទូទាំងប្រទេស, វីងបានផ្តល់ភាពងាយស្រួលដល់ការផ្ទេរសាច់ប្រាក់ និងការទូទាត់វិក្កយបត្រផ្សេងៗ ហើយថែមទាំងផ្តល់នូវជម្រើសសន្សំផងដែរ។
ទាំងនេះបានជួយសម្រួលដល់ប្រជាជនកម្ពុជាយ៉ាងច្រើន ដើម្បីចូលរួមយ៉ាងសកម្មនៅក្នុងប្រព័ន្ធហិរញ្ញវត្ថុផ្លូវការ ជំរុញសកម្មភាពសេដ្ឋកិច្ចនៅកម្រិតមូលដ្ឋាន។
បច្ចេកវិទ្យាដើរតួនាទីជាឆ្អឹងខ្នងនៃបដិវត្តន៍ហិរញ្ញវត្ថុ។ ការបញ្ជ្រាបចូលតាមបណ្តាញទូរស័ព្ទចល័ត បានធ្វើឱ្យមានកំណើនគួរឱ្យកត់សម្គាល់ ហើយគួបផ្សំជាមួយកម្មវិធីទូរស័ព្ទដែលងាយស្រួលប្រើផងនោះ វាបានបង្កើតវេទិកាមួយសម្រាប់ប្រតិបត្តិការហិរញ្ញវត្ថុដែលមានភាពងាយស្រួល និងមានសុវត្ថិភាព។
ក្រុមហ៊ុនបច្ចេកវិទ្យាហិរញ្ញវត្ថុ (Fintech) កំពុងអភិវឌ្ឍយ៉ាងសកម្មនូវដំណោះស្រាយប្រកបដោយភាពច្នៃប្រឌិត រាប់ចាប់ពីវេទិកាផ្តល់ប្រាក់កម្ចីឌីជីថល សម្រាប់អាជីវកម្មខ្នាតតូច រហូតដល់ការទូទាត់ សម្រាប់ការធ្វើអាជីវកម្មតាមប្រព័ន្ធអេឡិចត្រូនិក។ ជាមួយវិធីសាស្ត្រដែលជំរុញដោយបច្ចេកវិទ្យានេះ វាមិនត្រឹមតែជំរុញដល់បរិយាបន្នហិរញ្ញវត្ថុប៉ុណ្ណោះទេ ប៉ុន្តែថែមទាំងត្រួសត្រាយផ្លូវសម្រាប់បរិយាកាសអាជីវកម្មឱ្យកាន់តែមានថាមវន្ត និងប្រសិទ្ធភាពជាងមុនផងដែរ។
ជាមួយបច្ចេកវិទ្យាថ្មីដែលកំពុងជំរុញដល់ទិដ្ឋភាពធុរកិច្ចរបស់កម្ពុជា វាក៏មានតម្រូវការអ្នកជំនាញផ្នែកហិរញ្ញវត្ថុដែលមានសមត្ថភាពពេញលេញកាន់តែច្រើន ដើម្បីការពារដោយប្រុងប្រយ័ត្ន នូវផលផ្លែនៃការអភិវឌ្ឍដ៏គួរឱ្យរំភើបទាំងនេះ។
ចំពោះគណនេយ្យករ គឺសម្រាប់ការពារកំណត់ត្រាហិរញ្ញវត្ថុ ដោយប្រកាន់ខ្ជាប់នូវស្តង់ដាយ៉ាងហ្មត់ចត់បំផុត និងធានាការអនុលោមតាមច្បាប់ពន្ធដារ កាត់បន្ថយកំហុសឆ្គង និងហានិភ័យផ្នែកច្បាប់ និងធ្វើឱ្យមានភាពត្រឹមត្រូវ និងផ្តល់ទំនុកចិត្ត។
ជំនាញរបស់ពួកគេ គឺលើសពីការធ្វើបញ្ជីគណនេយ្យ ពួកគេផ្តល់ចំណេះដឹងដ៏មានតម្លៃ សម្រាប់ការសម្រេចចិត្តជាយុទ្ធសាស្ត្រ លើការវិនិយោគ ការបែងចែកធនធាន និងយុទ្ធសាស្ត្រហិរញ្ញវត្ថុ។ មិនត្រឹមតែប៉ុណ្ណោះ ពួកគេក៏ជួយលើកកម្ពស់តម្លាភាព បង្កើតទំនុកចិត្តជាមួយវិនិយោគិន និងភាគីពាក់ព័ន្ធ ដែលពឹងផ្អែកលើព័ត៌មានហិរញ្ញវត្ថុត្រឹមត្រូវ។
ហើយវិទ្យាស្ថាន CamEd Business School ដែលមានឯកទេសបង្រៀនគណនេយ្យ និងហិរញ្ញវត្ថុ កំពុងធានាថា កម្ពុជាមានគណនេយ្យករដែលមានសមត្ថភាពពេញលេញ ដើម្បីធានាដល់សុក្រឹតភាព អនុលោមភាព និងតម្លាភាព ព្រមទាំងណែនាំដល់ការសម្រេចចិត្តចំពោះហិរញ្ញវត្ថុ ដ៏ឆ្លាតវៃ។
CamEd ត្រូវបានទទួលស្គាល់ដោយកម្មវិធីសមាគមគណនេយ្យករជំនាញនៅប្រទេសអង់គ្លេស ដែលហៅកាត់ថា (ACCA)។
ជាមួយថ្នាក់អនុបណ្ឌិតផ្នែកគណនេយ្យ និងហិរញ្ញវត្ថុ (Master of Science in Accounting & Finance + ACCA) របស់ខ្លួន, CamEd កំពុងបំពេញតាមតម្រូវការរបស់កម្ពុជា សម្រាប់ការអភិវឌ្ឍវិជ្ជាជីវៈនេះ ឱ្យកាន់តែទូលំទូលាយ ដោយរួមបញ្ចូលនូវឧត្តមភាពនៃការសិក្សាជាមួយវិញ្ញាបនបត្រ ACCA ដែលទទួលស្គាល់ជាអន្តរជាតិ។
«បេសកកម្មរបស់យើងនៅ CamEd គឺផ្តល់ការអប់រំថ្នាក់ឧត្តមសិក្សាដោយផ្តោតលើធុរកិច្ចឈានទៅរកគុណវុឌ្ឍិនៃគុណភាព និងការទទួលស្គាល់ជាអន្តរជាតិ»។
លោកស្រី សំ សុគន្ធារី នាយិការងនៃវិទ្យាស្ថាន CamEd មានប្រសាសន៍ថា៖ «គុណភាពនៃនិស្សិតរបស់យើង គឺទទួលស្គាល់ដោយក្រុមហ៊ុនដ៏មានកិត្យានុភាពជាច្រើន ដោយសារតែ CamEd មានកម្មវិធីសិក្សាដែលបង្រៀន និស្សិត ឱ្យត្រៀមខ្លួនសម្រាប់ទីផ្សារការងារ»។
វិទ្យាស្ថាន CamEd ត្រូវបានបង្កើតឡើងក្នុងឆ្នាំ ២០០០ ជាគ្រឹះស្ថានបណ្តុះបណ្តាលដ៏មានជំនាញវិជ្ជាជីវៈ សម្រាប់ក្រុមហ៊ុន និងអង្គការអន្តរជាតិ ហើយបានចាប់ផ្តើមបង្រៀនកម្មវិធីសិក្សាគណនេយ្យករជំនាញ ACCA ក្នុងឆ្នាំ ២០០៣។ នេះស្របគ្នានឹងការអនុម័តច្បាប់ស្តីពីគណនេយ្យដែលចេញក្នុងឆ្នាំនោះ ដែលទាមទារអាជ្ញាប័ណ្ណវិជ្ជាជីវៈ សម្រាប់សេវាកម្មគណនេយ្យ និងសវនកម្ម។
លោកស្រី សំ សុគន្ធារី ថ្លែងថា៖ «នៅសាលា CamEd ចក្ខុវិស័យរបស់យើងគឺអភិវឌ្ឍសហគមន៍អ្នកជំនាញនៅក្នុងវិស័យធុរកិច្ច ឱ្យស្របទៅនឹងអ្នកនៅក្នុងមជ្ឈមណ្ឌលធុរកិច្ចអន្តរជាតិ ដោយប្រកាន់យកនូវគំនិតផ្តួចផ្តើមជាអ្នកដឹកនាំ និងលើកកម្ពស់ស្តង់ដាសីលធម៌ខ្ពស់»។
កំណើនលទ្ធភាពទទួលបានសេវាហិរញ្ញវត្ថុ ដូចជាកម្ចីខ្នាតតូច សម្រាប់ការពង្រីកអាជីវកម្ម និងជំនាញដែលផ្តល់ដោយគណនេយ្យករដែលត្រូវបានទទួលស្គាល់ជាអន្តរជាតិ មានន័យថា សហគ្រិន ជាពិសេស អ្នកដែលនៅក្នុងវិស័យក្រៅផ្លូវការ មានភាពបត់បែន និងទំនុកចិត្តកាន់តែច្រើនក្នុងការ
គ្រប់គ្រងហិរញ្ញវត្ថុរបស់ពួកគេ។
នេះជំរុញកំណើនសហគ្រាសធុនតូច និងមធ្យម (SMEs) ដែលជាកត្តាជំរុញដ៏សំខាន់នៃការបង្កើតការងារ និងកំណើនសេដ្ឋកិច្ច ដោយសារការកើនឡើងនៃវេទិកាពាណិជ្ជកម្មអេឡិចត្រូនិក ដែលបង្កើតឱកាសថ្មីសម្រាប់អាជីវកម្មគ្រប់ទំហំ សម្រួលដល់ការលក់តាមអនឡាញ និងការចូលទីផ្សារ។
តាមរយៈការប្រើប្រាស់ថាមពលបច្ចេកវិទ្យា ការលើកកម្ពស់បរិយាប័ន្នហិរញ្ញវត្ថុ និងការជំរុញបរិយាកាសធុរកិច្ចដែលអំណោយផល ទាំងអស់នេះ គឺគាំទ្រដោយអ្នកជំនាញផ្នែកហិរញ្ញវត្ថុដែលមានសមត្ថភាពពេញលេញ និងមានការទទួលស្គាល់ជាអន្តរជាតិ ដែលធ្វើឱ្យទស្សនវិស័យសម្រាប់ប្រទេសកម្ពុជាមានសុទិដ្ឋិនិយមត្រឹមត្រូវ៕