Search form

Login - Register | FOLLOW US ON

Logo of Phnom Penh Post newspaper Phnom Penh Post - ការ​កម្ទេច​យីងឡាក់​និង​បងប្រុស មិនមែន​ជា​ការ​ព្យាបាល​ជំងឺ​ថៃ​ទេ

Content image - Phnom Penh Post

ការ​កម្ទេច​យីងឡាក់​និង​បងប្រុស មិនមែន​ជា​ការ​ព្យាបាល​ជំងឺ​ថៃ​ទេ

រយៈពេល​១៥​ឆ្នាំ​លោក​ថាក់ស៊ីន ស៊ីណាវ៉ាត្រា បាន​គ្របដណ្តប់​លើ​នយោបាយ​ថៃ ហើយ​ភាគច្រើន​បំផុត​នៃ​រយៈពេល​នោះ ក្រុម​ឧត្តមសេនីយ៍​របស់​ប្រទេស​នេះ និង​ក្រុម​អ្នក​គាំទ្រ​របស់​ពួកគេ​នៅ​ជុំវិញ​ព្រះមហាក្សត្រ​ដែល​មាន​ប្រឈួន បាន​ព្យាយាម​តាម កម្ទេច​គាត់​។

មហាសេដ្ឋី​ប្រជានិយម​រូប​នេះ បាន​ភៀស​ខ្លួន​ដោយ​និរទេស ពីរ​ឆ្នាំ​បន្ទាប់ពី​រដ្ឋ​ប្រហារ​មួយ ដែល​បាន​បណ្តេញ​លោក​ក្នុង​ឆ្នាំ ​២០០៦ ប៉ុន្តែ​ប្អូនស្រី​របស់​លោក គឺ​លោកស្រី​ យីងឡាក់ នៅ​តែ​ឈ្នះ​ការ​បោះឆ្នោត​ក្នុង​ឆ្នាំ ​២០១១ និង​បាន​គ្រប់គ្រង ក្នុង​នាម​ជា​អ្នកតំណាង​របស់​លោក ដោយ​លោក​ថាក់ស៊ីន ជា​អ្នក​ទាញ​ខ្សែ​ញាក់​ពី​ក្រុង​ ឌូបៃ។ ប៉ុន្តែ​ ក្នុង​នាម​ជា​នាយករដ្ឋមន្ត្រី លោកស្រី​ត្រូវ​បាន​គេ​បណ្តេញ​ចេញ​កាលពី​ខែ​ឧសភា ឆ្នាំ​មុន ក្នុង​វិវាទ​ធម្មនុញ្ញ​មួយ ហើយ​មិន​យូរ​ប៉ុន្មាន​បន្ទាប់មក កងទ័ព​បាន​ចូល​គ្រប់គ្រង​បន្ត​។

ពេល​នេះ​ការ​យល់ច្រឡំ​ដែល​មិន​អាច​ទប់​បាន​កើត​ចេញ​មក​ពី​កម្មវិធី​ឧបត្ថម្ភធន​ស្រូវអង្ករ ដែល​រដ្ឋាភិបាល​លោកស្រី​មើល​ខុស​ត្រូវ បាន​នាំ​ទៅ​ដល់​ការ​ចោទសួរ​លោកស្រី​នៅ​មុខ​សភា​យ៉ាង​អាម៉ាស់ ដោយ​ការ​ចោទប្រកាន់​ពី​បទឧក្រិដ្ឋ និង​ត្រូវ​គេ​ចោទ​ជា​បន្តបន្ទាប់​។

លោក​ថាក់ស៊ីន និង​លោកស្រី​យីងឡាក់ ទស្សនកិច្ច​វត្ត​មួយ​នៅ​ឡាវ។
លោក​ថាក់ស៊ីន និង​លោកស្រី​យីងឡាក់ ទស្សនកិច្ច​វត្ត​មួយ​នៅ​ឡាវ។ FB/AFP

នៅ​ទីបំផុត ពេល​នេះ ក្រុម​ឧត្តមសេនីយ៍​ទាំងនោះ និង​ក្រុម​អ្នក​អែបអប អាច​រុញ​ត្រកូល​ស៊ីណាវ៉ាត្រា​ទៅ កាន់​ជ្រុង​មួយ​។ អ្នកស្រី​យីងឡាក់ គឺជា​ចំណាប់ខ្មាំង​ប្រកប​ដោយ​ប្រសិទ្ធភាព ក្នុង​ការ​ចរចា​ជាមួយ​លោក​ថាក់ស៊ីន ដែល​ជំហរ​របស់​លោក បាន​ចុះខ្សោយ​។ ការ​ធ្វើ​វិសុទ្ធកម្ម​កម្លាំង​ប៉ូលិស បាន​ធ្វើឲ្យ​មូលដ្ឋាន​នៃ​ការ​គាំទ្រ​របស់ លោក​ចុះខ្សោយ។ ពេល​នេះ លោក​ថាក់ស៊ីន អាច​លះបង់​មហិច្ឆតា​នយោបាយ​របស់​ខ្លួន​ដើម្បី​ការពារ​សុវត្ថិភាព​របស់​វង្សត្រកូល និង​ទ្រព្យសម្បត្តិ​របស់​លោក​។

ប៉ុន្តែ​ ការ​តាំងចិត្ត​របស់​របប​យោធា​ដើម្បី​លុបបំបាត់​មន្តអាគម​នយោបាយ​ប្រជាធិបតេយ្យ នឹង​ជួប​បញ្ហា បង្ហូរ​ឈាម​នៅក្នុង​ពេល​អនាគត​។ គេ​គួរ​គិត​ម្តង​ទៀត។

តាម​វិធី​ដែល​លោក​ថាក់ស៊ីន បាន ដឹកនាំ​ប្រទេស​នេះ មាន​កំហុស​ច្រើន ទាំង​មុន និង​បន្ទាប់ពី​លោក បាន​ភៀស​ខ្លួន​ទៅ​បរទេស​ដើម្បី​គេច​ពី​ការ​កាត់ទោស​ដាក់គុក​ពី​បទ​រំលោភ​អំណាច។ ជាមួយ​ការ​គាំទ្រ​ពី​ទឹកដី​បេះដូង​អ្នកក្រីក្រ​ជនបទ​នៅ​ភាគ​ខាង​ជើង និង​ភាគ​ឦសាន ទាំង​រូបលោក និង​ប្អូនស្រី មិន​បាន​យក​ចិត្ត​ទុកដាក់​គ្រប់គ្រាន់​ចំពោះ​ផលប្រយោជន៍​នៃ អ្នក​វណ្ណៈ​កណ្តាល​នៅ​ក្រុង​បាងកក និង​បណ្តា​ខេត្ត​ភាគ​ខាង​ត្បូង​នោះ​ទេ។

នៅក្នុង​អំណាច លោក​ថាក់ស៊ីន បាន​គិត​ផលប្រយោជន៍​ជំនួញ​ផ្ទាល់ខ្លួន​ច្រើន និង​ធ្វើឲ្យ​ស្ថាប័ន​រដ្ឋ​ចុះខ្សោយ។ លោក​គឺជា​លោក​ប៊ើរលូស្កូនី ដែល​គ្មាន​រឿង​អាស្រូវ​ផ្លូវភេទ។

គួរ​ឲ្យ​រន្ធត់ ក្នុង​ឆ្នាំ ២០០៣-០៤ លោក​បាន បញ្ជា ឲ្យ​មាន​កម្មវិធី​ធ្វើ​ឃាត​នៅ​ក្រៅ​តុលាការ ដែល​បាន​សម្លាប់​អ្នក​ជួញដូរ​ថ្នាំញៀន​រាប់​ពាន់​នាក់​។ ប្អូនស្រី​លោក​មិន​ផ្តាច់ការ​ទេ ប៉ុន្តែ​អសមត្ថភាព។

លោកស្រី​យីងឡាក់ (កណ្តាល)​ស្វាគមន៍ អ្នកកាសែត​មុន​ពេល​ឆ្លើយ​នៅ​មុខ​សភា។
លោកស្រី​យីងឡាក់ (កណ្តាល)​ស្វាគមន៍ អ្នកកាសែត​មុន​ពេល​ឆ្លើយ​នៅ​មុខ​សភា។

រដ្ឋាភិបាល​ថាក់ស៊ីន ប្រហែល​ជា​មិន​ពុករលួយ​ដូចជា​រដ្ឋាភិបាល​ពី​មុន​ទេ​។ ត្រកូល​ស៊ីណាវ៉ាត្រា បាន​ធ្វើ​ការ​យ៉ាងច្រើន កែទម្រង់​ជីវភាព​អ្នកក្រីក្រ​បំផុត​ខ្លះ​របស់​ប្រទេស។ ពួកគេ​បាន ធ្វើ​ផ្លូវ​ក្នុង​ប្រទេស​ជាច្រើន បាន​លើក ស្ទួយ​វិស័យ​អប់រំ និង​ផ្តល់​សុខាភិបាល​ដល់​អ្នកក្រីក្រ​។

ក្រុម​ឥស្សរជន​ចាស់ៗ មិន​សប្បាយ​ចិត្ត​នឹង​ទង្វើ​នេះ​ទេ ព្រោះ​ពួកគេ​គិត​ថា ជា​រាជកិច្ច​ជាមួយ​កសិករ​របស់​មហាក្សត្រ ដែល​តាម​លំដាប់​ស័ក្តិ​នៅ​ទីកំពូល​។ ប៉ុន្តែ​លោក​ថាក់ស៊ីន មិន​ឯកភាព​នឹង​រាជកិច្ច​នោះ​ទេ ហើយ​ពលរដ្ឋ​ថៃ​ភាគច្រើន​យល់ស្រប។

កាលពី​ខែ​ឧសភា​ឆ្នាំ​មុន ក្រុម​ឧត្តមសេនីយ៍ បាន​និយាយ​ពី​ការ​ផ្សះផ្សា និង​បាន​ព្យាយាម​ចាប់ផ្តើម​ការ​ពិភាក្សា​ជាមួយ​លោក​ថាក់ស៊ីន ប៉ុន្តែ​ថ្មីៗ​នេះ ពួកគេ​បាន​ផ្លាស់​ចិត្ត ប្រហែល​ដើម្បី​បំពេញចិត្ត​ស្ថាប័ន​នៅ​ជុំវិញ​រាជវាំង​របស់​ក្សត្រ​។ ការ​ចោទសួរ​លោកស្រី​យីងឡាក់​មុខ​សភា គ្រាន់តែ​ជា​ផ្នែក​មួយ​នៃ​ផែនការ​ពួកគេ។

ក្រុម​ឧត្តមសេនីយ៍​ទាំងនេះ កំពុង​តាក់តែង​ធម្មនុញ្ញ​មួយ​ដើម្បី​រៀបចំ​បណ្តេញ​បក្ស​ប្រជានិយម​ចេញ​ពី​អំណាច​។ ពួកគេ​មាន​បំណង​គ្រប់គ្រង​ឲ្យ​បាន​យូរ​តាម​តែ​អាច​ធ្វើ​បាន​ដើម្បី​ស្តារ​បទបញ្ជា​សីលធម៌​មួយ។

ទង្វើ​នេះ មិន​ធ្វើឲ្យ​ប្រទេស​ថៃ​ល្អ​ទេ​។ មេរៀន​១៥​ឆ្នាំ​កន្លងមក​បង្ហាញ​ថា ពលរដ្ឋ​ថៃ​កាន់តែ​ច្រើន​ចង់​បាន​សំឡេង​នៅក្នុង​ប្រទេស​ពួកគេ។ ការ​បណ្តេញ​ត្រកូល​ស៊ីណាវ៉ាត្រា ចេញ នឹង​មិន​ផ្លាស់ប្តូរ​ផ្នត់​គំនិត​ពលរដ្ឋ​ទេ រីឯ ការ​ហាមប្រាម​បក្ស​ភឿថៃ​នឹង​ក្លាយ​ជា​ការ​ដើរ​ថយក្រោយ៕ IN

0

Comments

Please, login or register to post a comment

ព័ត៌មានពាក់ព័ន្ធ