ការ​ចាប់​ខ្លួន​តំណាង​រាស្ត្រ​ជាប់​ឆ្នោត​និង​ការ​កោះ​ហៅ​មេ​ដឹក​នាំ​គណបក្ស​សង្គ្រោះ​ជាតិ​ចូល​តុលាការ នា​ប៉ុន្មាន​ថ្ងៃ​កន្លង​មក​នេះ បាន​ធ្វើ​ឲ្យ​វិបត្តិ​នយោបាយ​ដែល​មិន​ទាន់​អាច​ដោះ​ស្រាយ​បាន​ជិត​មួយ​ឆ្នាំ​មក​ហើយ​នោះ កាន់​តែ​ស្មុគ​ស្មាញ និង​អាច​ឈាន​ទៅ​រក​ការ​បង្ហូរ​ឈាម​គ្នា​ជា​ថ្មី ប្រសិន​បើ​មិន​មាន​ដំណោះ​ស្រាយ​នយោបាយ​ដោយ​សន្តិវិធី​ទេ​នោះ។ នេះ​បើ​តាម​ក្រុម​អ្នក​វិភាគ ដែល​ថា គណបក្ស​ប្រជាជន​បាន​ប្រើ​តុលាការ​មិន​ឯករាជ្យ ដើម្បី​បំបាក់​គណបក្ស​ប្រឆាំង​ដែល​លើក​នេះ មាន​សភាព​ធ្ងន់​ធ្ងរ​ជាង​មុន នៅ​ពេល​ដែល​គណបក្ស​ប្រឆាំង​ដែល​បាន​រួប​រួម​គ្នា​មាន​កម្លាំង​ខ្លាំង​ជាង​មុន។