អ្នកស្រី សួន សុគន្ធ (ជា ឈ្មោះ​ដែល​ដាក់​ឲ្យ) បាន​ចាប់​ផ្តើម​វេច​បង្វេច​បាយ​និង​ឧបករណ៍​របស់​ខ្លួន ចេញ​ពី​ផ្ទះ​តាំង​ពី​ព្រឹក​ព្រលឹម ដើម្បី​ទៅ​កាប់​ឈើឬ​ក៏​ជីក​គាស់​គល់​ឈើ ដោយ​ពុំ​បាន​កំណត់​គោល​ដៅ​ច្បាស់​លាស់​ ឬ​ថា​តើ​អ្នកស្រី​ និង​ក្រុម​គ្រួសារ​នឹង​ត្រូវ​ដើរ​រក​ឈើ​នៅ​លើ​ទឹក​ដី​ខ្មែរ ឬ​ក៏​ត្រូវ​ឆ្លង​ដែន​ទៅ​ថៃ​ និង​ពុំ​បាន​កំណត់​ថ្ងៃ​វិល​ត្រឡប់​មក​វិញ​ឡើយ ដោយ​អាស្រ័យ​ទៅ​លើ​កាលៈទេសៈ​អំណោយ​ផល។