Search form

Login - Register | FOLLOW US ON

Logo of Phnom Penh Post newspaper Phnom Penh Post - ក្រុម​អ្នកស្រាវជ្រាវ​រកឃើញ​ប្រភេទ​ផ្កា​​អ័រគីដេ​ថ្មី​នៅ​ភ្នំ​ក្រវាញ

ផ្កា​រអ័រគីដេ​ប្រភេទ​ថ្មី​ដែល​ក្រុម​អ្នក​ស្រាវជ្រាវ​ជាតិ និង​អន្ដរជាតិ​រកឃើញ​នៅ​ជូរ​ភ្នំក្រវាញ​ភាគ​កណ្តាល ។
ផ្កា​រអ័រគីដេ​ប្រភេទ​ថ្មី​ដែល​ក្រុម​អ្នក​ស្រាវជ្រាវ​ជាតិ និង​អន្ដរជាតិ​រកឃើញ​នៅ​ជូរ​ភ្នំក្រវាញ​ភាគ​កណ្តាល ។ រូប​AFP

ក្រុម​អ្នកស្រាវជ្រាវ​រកឃើញ​ប្រភេទ​ផ្កា​​អ័រគីដេ​ថ្មី​នៅ​ភ្នំ​ក្រវាញ

ប្រភេទ​ផ្កា​អ័រគីដេ​ថ្មី​ត្រូវ​បាន​ក្រុម​អ្នកស្រាវជ្រាវ​រកឃើញ​នៅ​ជួរ​ភ្នំ​ក្រវាញ​ភាគ​កណ្តាល​ស្ថិត​ក្នុង​ទឹកដី​ខេត្ត​កោះកុង​ដោយ​អ្នក​សិក្សា​អំពី​វិទ្យាសាស្រ្ត​រុក្ខជាតិ​ពី​ចក្រភព​អង់គ្លេស​និង​ក្រុម​មន្ដ្រី​រដ្ឋបាល​ព្រៃឈើ​នៃ​ប្រទេស​កម្ពុជា​។

លោក Andr Schuiteman អ្នក​ស្រាវជ្រាវ​ជាន់ខ្ពស់​នៅ Royal Botanic Gardens បាន​និយាយ​កាលពី​ម្សិលមិញ​ថា រុក្ខជាតិ​នោះ​ត្រូវ​បាន​រកឃើញ​ក្នុង​អំឡុង​ដំណើរ​បេសកកម្ម​រយៈពេល​មួយ​សប្តាហ៍​កាល​ខែ​វិច្ឆិកា ឆ្នាំ​២០១៣​។

ក្នុង​អំឡុង​ដំណើរ​បេសកកម្ម​នេះ ក្រុម​អ្នក​វិទ្យាសាស្រ្ត​អំពី​រុក្ខជាតិ​បាន​រកឃើញ​ប្រភេទ​ផ្កា​អ័រគីដេ​ប្រហែល​៩០​ប្រភេទ ហើយ​ពួកគេ​បាន​នាំ​យក​ទៅ​ប្រទេស​អង់គ្លេស​ជាមួយ​ពួកគេ​ដើម្បី​ស្រាវជ្រាវ​។

លោក Schuiteman បាន​ថ្លែង​ថា ពពួក​ផ្កា​ដែល​រកឃើញ​ថ្មី​នេះ ដែល​បាន​ចេញ​ផ្កា​កាល​ខែ​ធ្នូ មិន​ទាន់​ត្រូវ​បាន​ដាក់​ឈ្មោះ​នៅ​ឡើយ​ទេ​។

អ្នក​ស្រាវជ្រាវ​បាន​រកឃើញ​ពពួក​ផ្កា អ័រគីដេ​ប្រហែល​២០​ប្រភេទ​បន្ថែម​ទៀត ដែល​មិន​ដែល​ត្រូវ​បាន​រាយការណ៍​នៅក្នុង​ប្រទេស​កម្ពុជា ហើយ​ខណៈ​ដែល​រុក្ខជាតិ​ទាំងនោះ​នៅ​ចេញ​ផ្កា​នៅ​ឡើយ។

លោក​បាន​ថ្លែង​ថា​៖«​ប្រហែល​ជា​មាន​ប្រភេទ​រុក្ខជាតិ​ថ្មី​ច្រើន​ជាង​នេះ​ទៀត​នៅក្នុង​បណ្តា​រុក្ខជាតិ​ដែល​ប្រមូល​បាន​ទាំងនោះ​»។ លោក​ថ្លែង​ថា​៖ «​ជាមួយ​នឹង​សហការី​ទាំងអស់​គ្នា​ពី​រដ្ឋបាល​ព្រៃឈើ​កម្ពុជា យើង​កំពុង​សរសេរ​អត្ថបទ​មួយ​ចំនួន​អំពី​របកគំហើញ​ទាំងនេះ​ដើម្បី​ធ្វើឲ្យ​ដឹង​ទៅ​ដល់​សហគមន៍​វិទ្យាសាស្រ្ត​»។

បើ​តាម​លោក Schuiteman បាន​ឲ្យ​ដឹង​ផង​ដែរ​ថា ផ្កា​អ័រគីដេ​នៅ​ភ្នំ​ក្រវាញ​កំពុង​ស្ថិតក្នុង​ហានិភ័យ​ពី​«​ការ​ប្រមូល​ខុស​ច្បាប់​»​សម្រាប់​យក​ទៅ​លក់​នៅក្នុង​ទីផ្សារ​ថៃ និង​ថ្នាំចិន​៕ PS

0

Comments

Please, login or register to post a comment

ព័ត៌មានពាក់ព័ន្ធ