សាលា​ដំបូង​រាជ​ធានី កាល​ពី​ព្រលប់​ម្សិល​មិញ បាន​បញ្ជូន​ជន​សង្ស័យ​ពីរ​នាក់ ដែល​ម្នាក់​ជា​​ចៅ​សង្កាត់​គោក​រកា ពី​​គណ​បក្ស​ប្រជា​ជន​​ និង​ម្នាក់​ទៀត​ ជា​​ប្រធាន​សមាគម​អណ្តូង៦ទៅ​កាន់​ទី​បញ្ជា​ការ​ដ្ឋានកង​រាជ​អាវុធ​ហត្ថ​រាជ​ធានី​វិញបន្ទាប់​ពី​តំណាង​អយ្យ​ការ​បាន​ធ្វើ​​ការ​ចោទ​ប្រកាន់​ពី​បទ​«ឃាតកម្ម​គិត​ទុក​ជា​មុន»​ ជាប់​ពាក់​ព័ន្ធ​នឹង​ករណី​គប់​គ្រាប់​បែក​មួយ​គ្រាប់​​ចូល​ផ្ទះ​សមា​ជិក​ក្រុម​ប្រឹក្សា​សង្កាត់​គោក​រកាម្នាក់​​ប​ណ្តា​​ល​ឲ្យ​ក្មេង​ប្រុស​ម្នាក់​ស្លាប់និង​មនុស្ស ៦ នាក់​រង​របួស កាល​ពី​ព្រលប់​ថ្ងៃ​ទី៩ ខែ​តុលា​ឆ្នាំ២០១៤​។ នេះ​បើ​តាម​ចៅ​ក្រម​ស៊ើប​សួរ​ លោក លី សុខលេង ដែល​បាន​ប្រាប់​ភ្នំ​ពេញ​ប៉ុស្តិ៍ បន្ទាប់​ពី​បាន​បញ្ចប់​ការ​សាក​សួរ​ជន​សង្ស័យ​កាល​ពី​ព្រលប់​ម្សិល​មិញ​។​