រំឭក​ដល់​អតីតកាល​ដ៏ជូរចត់ នាយ ក្រូច បាន​និយាយ​ទាំង​អួល​ដើម​ក​មិន​នឹក​ស្មាន​មាន​ថ្ងៃ​នេះ​ថា៖​«​កាលពី​នៅ​អាយុ​ជាង​១០​ឆ្នាំ គ្រួសារ​ខ្ញុំ​ដុនដាប​កំពូល​តែ​ម្តង រក​អង្ករ​ច្រក​ឆ្នាំង​សឹងតែ​ពុំ​បាន​ទេ។ បើ​និយាយ​ពី​ផ្ទះ​វិញ គឺ​ដំបូល​ប្រក់​មេឃ ពេល​ភ្លៀង​ម្តងៗ សុំ​ផ្ទះ​គេ​ជ្រក ហើយ​អត់​ដែល​មាន​ភួយ​ដណ្តប់​នឹង​គេ​ទេ នៅ​ខែ​រងា​ម្តងៗ ពុក​ខ្ញុំ​គាត់​ធ្វើ​ចង្ក្រាន​ដី​ឥដ្ឋ​នៅ​កណ្តាល​ដុត​ភ្លើង​ឲ្យ​កូនៗ​ដេក​ជុំវិញ»។