Search form

Login - Register | FOLLOW US ON

Logo of Phnom Penh Post newspaper Phnom Penh Post - បាត់​បង់ក្រុង​កូបានេ ជាការ​ចាប់ផ្តើម​ទី​បញ្ចប់​នៃក្រុម​រដ្ឋ​អ៊ិស្លាម ISIS

ក្រុមពល​រដ្ឋ​ឃើដ​តួក​គី សម្លឹង​មើល​ការ​វាយ​ប្រ​ហារ​ផ្លូវ​អាកាស​របស់ក្រុម​ចម្រុះលើ​ក្រុង​កូបានេ ពី​ខែ​តុលា។​ AFP
ក្រុមពល​រដ្ឋ​ឃើដ​តួក​គី សម្លឹង​មើល​ការ​វាយ​ប្រ​ហារ​ផ្លូវ​អាកាស​របស់ក្រុម​ចម្រុះលើ​ក្រុង​កូបានេ ពី​ខែ​តុលា។​ AFP

បាត់​បង់ក្រុង​កូបានេ ជាការ​ចាប់ផ្តើម​ទី​បញ្ចប់​នៃក្រុម​រដ្ឋ​អ៊ិស្លាម ISIS

ក្រុងអ៊ើរ​ប្រ៊ីល: យោង​តាម​ប្រ​ភព​ជាច្រើនឲ្យ​ដឹង​ថា កម្លាំង​​អម្បូរ​ឃើដ​ បានដណ្តើម​កាន់​កាប់​ឡើង​វិញ​ហើយ នូវ​ក្រុងកូបា​នេពីក្រុមជីហាដ​នៃ​​រដ្ឋ​អ៊ិស្លាម (ISIS)។

ក្រុម​មន្ត្រី​និ​យាយថា យុទ្ធ​នាការ​ មួយ​ត្រូវ​បាន​ចាប់​ផ្តើម​​ដើម្បី​បណ្តេញ ក្រុម ISIS ចេញ​ពីភូមិជិត ​៣៥០ ​នៅ ជុំ​វិញ​​ទីប្រ​ជុំ​ជន​សុី​រី​ជា​និមិត​្តរូប នៅ​ភាគខាង​ជើង​នោះ​។

ការបាត់​បង់​ក្រុងកូ​បានេ បន្ទាប់ពី ការ​ប្រ​យុទ្ធ​គ្នា​ដ៏ខ្លាំង​ក្លា​ជាង​៤​ខែ គឺ​ជាការ​បរាជ័យ​​ខាង​ការ​ឃោស​នា​​ដ៏សំ​ខាន់​ចំ​ពោះ​ក្រុម ISIS ។ ក្រុម​នេះ បានចំណាយ​​ធន​ធាន​ យោ​ធា​ដ៏​ធំដើម្បីកាន់​កាប់​ទី​ប្រ​ជុំ​ជន​ដាច់​ស្រយាល​នៅលើ​ព្រំដែន​ជាមួយប្រ​ទេស ​តួកគី ​នោះ។

នាយក​រដ្ឋ​មន្ត្រីនៃ​រដ្ឋការ​ស្វ័យ​គ្រប់​គ្រង​ក្រុង​កូបានេ លោក Anwar Muslim បាននិ​យាយថា ក្រុម ISIS បានកាន់​កាប់​កន្លែង​ភាគ​ច្រើន​បំ​ផុត ដែល​ខ្លួន​ចង់​បាន​នៅសុីរី និង​អុី​រ៉ាក់ ប៉ុន្តែ​មិន​អាច​កាន់​កាប់​​ក្រុង​កូ​បានេ បាន​ឡើយ​។

លោក​បាន​បញ្ជាក់​ថា ៖ «ជ័យ​ជម្នះនេះ គូស​បញ្ជាក់​ពី​ការ​ចាប់​ផ្តើម​​នៃ​ការ​បញ្ចប់​​ក្រុម ISIS»។

រហូត​មក​​ទល់​ពេល​នេះ ក្រុម អម្បូរ​ឃើដ​ បាន​គ្រប់​គ្រង​យ៉ាង​តិច​បី​ភូមិ​​នៅ​ជុំ​វិញ​ក្រុង​កូបានេ​ភាគខាង ត្បូង​។ វា​គឺ​ជា​កិច្ច​ការ​ប្រឈម​ខ្ពស់​បំផុត​មួយ​សម្រាប់​ពួក​គេ​ដើម្បី​បណ្តេញ​ ក្រុម​ ISIS ចេញ​ពី​ភូមិ​រាប់​សិប​ទៀត ដែល​នៅ​លើ​វាល​រាប​ជុំ​វិញ​ទីប្រ​ជុំ​ជន​កសិកម្ម​នោះ។

យោង​តាម​ប្រ​ភព​ក្នុង​តំបន់​ជាច្រើន​ ឲ្យ​ដឹង​ថា ការ​វាយ​ប្រ​ហារ​ផ្លូវ​អាកាស របស់​ក្រុម​ចម្រុះលើ​គោល​ដៅក្រុម ISIS តាម​ភូមិ​នៃ​ក្រុង​កូបានេ​ បាន បន្ត តាំង​ពី​រាត្រី​ថ្ងៃ​ចន្ទ​មក ប៉ុន្តែ​ក្រុង​កូបានេ​ផ្ទាល់ មានសភាព​ស្ងប់​ស្ងាត់ តាំង​ពី​ថ្ងៃ​អង្គារ​។

Muslim បាននិ​យាយថា ​យុទ្ធ​ជន​ក្នុង​តំបន់​អាច​ឈរជើង​នៅកូ​បានេ ហើយ​ ISIS បាន​ចុះខ្សោយ​យ៉ាងធ្ងន់​ធ្ងរ៕AJA/IN

0

Comments

Please, login or register to post a comment

ព័ត៌មានពាក់ព័ន្ធ