Search form

Login - Register | FOLLOW US ON

Logo of Phnom Penh Post newspaper Phnom Penh Post - ព្រឹត្តិការណ៍​ប្រណាំង​រក​មនុស្ស​ស្វិតស្វាញ ឆ្លងកាត់​ជាង ​២០០ ​ឧបសគ្គ​នៅ​អង់គ្លេស

(រូប​ឆ្វេង) ក្រុម​អ្នក​ចូលរួម​ការ​ប្រកួត​ក្នុង​ឈុត​ចម្រុះ​ពណ៌ នៃ​ព្រឹត្តិការណ៍ មនុស្ស​ស្វិតស្វាញ នៅ​កសិដ្ឋាន South Perton Farm ក្បែរ​ក្រុង Wolverhampton និង​ឧបសគ្គ​ដើរ​លើ​បន្ទះក្តារ (ស្តាំ) មុន​ពេល​ឆ្លង​សំណាញ់​លើ​ចណ្ដើរ​ដ៏រអិល​(ក្រោម)។
(រូប​ឆ្វេង) ក្រុម​អ្នក​ចូលរួម​ការ​ប្រកួត​ក្នុង​ឈុត​ចម្រុះ​ពណ៌ នៃ​ព្រឹត្តិការណ៍ មនុស្ស​ស្វិតស្វាញ នៅ​កសិដ្ឋាន South Perton Farm ក្បែរ​ក្រុង Wolverhampton និង​ឧបសគ្គ​ដើរ​លើ​បន្ទះក្តារ (ស្តាំ) មុន​ពេល​ឆ្លង​សំណាញ់​លើ​ចណ្ដើរ​ដ៏រអិល​(ក្រោម)។ AFP

ព្រឹត្តិការណ៍​ប្រណាំង​រក​មនុស្ស​ស្វិតស្វាញ ឆ្លងកាត់​ជាង ​២០០ ​ឧបសគ្គ​នៅ​អង់គ្លេស

ការ​រត់ប្រណាំង​មនុស្ស​ស្វិតស្វាញ ​(Tough Guy ) ត្រូវ​បាន​គេ​ចាត់​ទុក​ថា ការ​ធ្វើ​តេស្ត​ការ​អត់ធ្មត់​ខាង​រាងកាយ​ដ៏ស្វិតស្វាញ​បំផុត​នៅក្នុង​លោក ហើយ​ព្រឹត្តិការណ៍​នេះ​បាន ទាក់ទាញ​មនុស្ស​រាប់ពាន់​នាក់​មកពី​ទូទាំង​ពិភពលោក ថ្វីបើ​វា​ត្រូវ​ពលរដ្ឋ​អាស៊ី ខ្លះ​រិះគន់​ថា ជា​ល្បែង​របស់​ក្រុម​មនុស្ស​ទំនេរ​អត់​ការងារ​ធ្វើ​ក្តី។

ហ្វូង​មនុស្ស​ដែល​ញៀន​នឹង​ព្រឹត្តិការណ៍​ចម្លែក បាន​នាំគ្នា​សម្រុក​មក​កាន់​កសិដ្ឋាន​មួយ​ក្នុង​ទីប្រជុំជន ​Staffordshire ក្បែរ​ក្រុង Wolverhampton តំបន់ West Midlands ប្រទេស​ អង់គ្លេស ដើម្បី​ចូលរួម​ក្នុង កម្មវិធី​ប្រកួត​ព្រឹត្តិការណ៍​ប្រចាំ​ឆ្នាំ​មនុស្ស​ស្វិតស្វាញ​នោះ។

មនុស្ស​ជិត​ ៥ ០០០ ​នាក់ បាន​ចូលរួម​ក្នុង​ព្រឹត្តិការណ៍​ថ្ងៃ​អាទិត្យ ២ កុម្ភៈ​នោះ ដោយ​ប្រកួតប្រជែង​គ្នា​នៅ​ក្នុង ទឹកភក់ ការ​ឆក់​ចរន្តអគ្គិសនី ភ្លើង និង​ផ្លូវ​រូង​ក្រោម​ដី បន្ទាប់ពី​ការ​រត់​លើ​ចម្ងាយ​ផ្លូវ​ដ៏វែង តាំងពី​ទី​ចាប់ផ្តើម មក ដើម្បី​យក​ឈ្នះ​តំណែង​ជើងឯក​មនុស្ស​ស្វិតស្វាញ​នេះ។

Content image - Phnom Penh Post

ពួកគេ​មក​តាំងពី​ទីជិត ទីឆ្ងាយ ដោយ​មនុស្ស​ជិត ​១ ០០០ ​នាក់ ធ្វើ​ដំណើរ​មកពី​បរទេស ហើយ​អ្នក​ខ្លះ មក​ពី​ទីឆ្ងាយ​រហូត​អូស្ត្រាលី​។

ក្នុង​ចំណោម​អ្នក​ដែល​ចូលរួម​ទាំងអស់ មនុស្ស​ ៣ ៥០០​ នាក់ អាច​បញ្ចប់​ចម្ងាយ​ផ្លូវ​មាន ​២០០ ឧបសគ្គ ដែល​ត្រូវ​បាន​គេ​រៀបចំ​ធ្វើ នៅឯ​កសិដ្ឋាន South Perton Farm អស់​ពេល ​៣០ ​ឆ្នាំហើយ​។

អ្នក​រៀបចំ​ព្រឹត្តិការណ៍​កម្សាន្ត​ដ៏រីករាយ​នេះ បាន​និយាយ​ថា អ្នក​ទី​មួយ ដែល​បាន​ឆ្លងកាត់​ទីផ្តាច់ព្រ័ត្រ នៃ​ព្រឹត្តិការណ៍​ដ៏មហស្ចារ្យ​ពី​ថ្ងៃ​អាទិត្យ​នោះ គឺ​លោក ចន អាល់បុន ​(John Albon) ដែល​មកពី​ប្រទេស​ន័រវែស។

ដោយ​មាន​ប្រភព​ដើម​មកពី​ស្រុក Essex ភាគ​ឦសាន​អង់គ្លេស លោក បាន​បញ្ចប់​ការ​ប្រណាំង​ដោយ​ប្រើ​ថិរវេលា​ មួយ​ម៉ោង និង​ ៣៩​ នាទី។

លោក Wilson បាន​និយាយ​ថា លោក​អាល់បុន បាន​បំពេញ​រាល់​ឧបសគ្គ​ទាំង​ជាង​ ២០០​ កន្លែង ក្នុង​នោះ មាន​ទាំង​ការ​តោង​ខ្លួន​យោល​ដូច​ស្វា​៣៥០​ម៉ែត្រ ដែល​ជា​បាតុភូត​មួយ​។

លោក​បាន និយាយ​ថា ៖ «វា​គ្រាន់តែ​រអិល​ដង​ខ្លួន​លោក ប៉ុន្តែ​លោក​មាន​ថាមពល​ខ្លាំង​»៕ IN

បុរស​ម្នាក់​នេះ កំពុង​ឆ្លង​ឧបសគ្គ រត់​ឆ្លង​ភ្នក់ភ្លើង (ឆ្វេង) ខណៈ​មនុស្ស​ជាច្រើន កំពុង​ព្យាយាម​ឆ្លង​ឧបសគ្គ​លូន​ក្នុង​ភក់ តាម​បែប​សត្វ​ថ្លែន​ក្រោម​លួសបន្លា នៅពេល​ដែល​មនុស្ស​ក្រុម​ផ្សេង​ទៀត កំពុង​ហែលទឹក​(ស្តាំ)។
បុរស​ម្នាក់​នេះ កំពុង​ឆ្លង​ឧបសគ្គ រត់​ឆ្លង​ភ្នក់ភ្លើង (ឆ្វេង) ខណៈ​មនុស្ស​ជាច្រើន កំពុង​ព្យាយាម​ឆ្លង​ឧបសគ្គ​លូន​ក្នុង​ភក់ តាម​បែប​សត្វ​ថ្លែន​ក្រោម​លួសបន្លា នៅពេល​ដែល​មនុស្ស​ក្រុម​ផ្សេង​ទៀត កំពុង​ហែលទឹក​(ស្តាំ)។ AFP

0

Comments

Please, login or register to post a comment

ព័ត៌មានពាក់ព័ន្ធ