Search form

Login - Register | FOLLOW US ON

Logo of Phnom Penh Post newspaper Phnom Penh Post - មនុស្ស​រាប់ពាន់​នាក់​ផ្គើន​នឹង​ភាព​ត្រជាក់​ចូលរួម​បុណ្យ​ចាប់​ត្រី​កូរ៉េ​ខាង​ត្បូង

មនុស្ស​រាប់​ពាន់​នាក់ ចូលរួម​ក្នុង​ពិធីបុណ្យ​នេសាទ​ក្នុង​ទន្លេ​ទឹកកក វ៉ាឆុន កាលពី​ថ្ងៃ​ទី​៣១ មករា នៅ​ខេត្ត​កាងវ៉ុន​។
មនុស្ស​រាប់​ពាន់​នាក់ ចូលរួម​ក្នុង​ពិធីបុណ្យ​នេសាទ​ក្នុង​ទន្លេ​ទឹកកក វ៉ាឆុន កាលពី​ថ្ងៃ​ទី​៣១ មករា នៅ​ខេត្ត​កាងវ៉ុន​។ AFP

មនុស្ស​រាប់ពាន់​នាក់​ផ្គើន​នឹង​ភាព​ត្រជាក់​ចូលរួម​បុណ្យ​ចាប់​ត្រី​កូរ៉េ​ខាង​ត្បូង

ខេត្តកាងវ៉ុនៈ ក្រុម​អ្នក​ស្រុក​ក្នុង​តំបន់​និង​ភ្ញៀវទេសចរ​ជាង ​៣០ ​ម៉ឺននាក់ បាន​ពុះពារ​នឹង​សីតុណ្ហភាព​ត្រជាក់​ក្រោម​សូន្យ​និង​បាន​មក​ផ្តុំ​គ្នា​នៅ​ទន្លេ​ដែល​កក​មួយ​ក្នុង​ខេត្ត​កាងវ៉ុន កូរ៉េ​ខាង​ត្បូង​តាំងពី​ចុង​សប្តាហ៍​មុន ដើម្បី​ចាប់​ត្រី​ដោយ​ដៃ​ទទេ។

យោងតាម​គេហទំព័រ SmarterTravel.com ឲ្យ​ដឹង​ថា ពិធី​បុណ្យ​ទឹកកក Hwacheon Sancheoneo Ice Festival ជា​ពិធីបុណ្យ​រដូវរងា​ដ៏​មាន​ប្រជាប្រិយ​និង​ឆ្កួត​បំផុត​មួយ​របស់ ​កូរ៉េ ត្រូវ​បាន​គេ​ធ្វើ​រយៈពេល​បី​សប្តាហ៍ ជា​រៀងរាល់​ឆ្នាំ​នៅក្នុង​ទីប្រជុំជន​ វ៉ាឆុន ចម្ងាយ​ប្រមាណ​ជា​ ១២០​គ.ម. ភាគ​ឦសាន​នៃ​ក្រុង ​សេអ៊ូល ​ជា​ទី​ដែល​ទឹកកក​របស់​ទន្លេ​នោះ​កក​រឹង​កម្រាស់​ ០,៤ ​ម៉ែត្រ ក្នុង​ខែ​ មករា ជា​សីតុណ្ហភាព​ល្អ សម្រាប់​ចាប់​ត្រីទឹកសាប​ម្យ៉ាង​ស្រដៀង​ត្រី​ សាលម៉ុន ដោយ​ដៃ​ទទេ។

ទន្លេ​ឡោមព័ទ្ធ​ដោយ​ជួរភ្នំ​ដែល​គ្របដណ្តប់​ដោយ​ព្រឹល​ត្រូវ​បាន​គេ​ស្គាល់​ថា ជា​ទន្លេ​ដំបូង​នៅ ​កូរ៉េ ដែល​កក​ក្នុង​រដូវរងា។

បុណ្យ​ឆ្នាំ​នេះ​ត្រូវ​បាន​គេ​រាយការណ៍​ថា បាន​ទាក់ទាញ​មនុស្ស​មួយ លាន​នាក់ មក​កាន់​ទន្លេ​កកវ៉ាឆុន ជា​ទី​ដែល​ការ​ទាក់ទាញ​សំខាន់​ដោយ​ឃើញ​ក្រុម​អ្នក​រៀបចំ​ខួង​ប្រមាណ​ ១ ៤០០ ​រន្ធ​ទឹកកក ហើយ​ក្រុម​មនុស្ស​ដណ្តើម​គ្នា​ចាប់​ត្រី​ដែល​ហែល​ឡើង​មក​ចូល​ក្នុង​រន្ធ​ទាំងនោះ។

ក្រុម​អ្នក​រីករាយ​នឹង​ការ​ចាប់​ត្រី​បែប​ផ្សងព្រេង​ទាំងនេះ នឹង​ចូលរួម​ក្នុង​ការ​ប្រកួត​នេសាទ​ដៃ​ទទេ ក្នុង​ឈុត​ខោខ្លី អាវយឺត ដែល​គេ​ផ្តល់​ឲ្យ នៅឯ​ព្រឹត្តិការណ៍​នោះ និង​លោត​ចូល​ស្រះ​ទឹកកក​ដែល​គេ​កាត់​ទឹកកក​ដើម្បី​ចាប់​ត្រី​នោះ​ឲ្យ​ច្រើន​តាម​តែ​អាច​ធ្វើ​បាន​ក្នុង​ពេល​ ៥ ​នាទី។ អ្នក​ព្យាយាម យក​ឈ្នះ​ដោយ​យក​មាត់​ជួយ​ខាំ។

ឯ​អ្នក​ជាច្រើន​ទៀត​ដើរ​ទៅកាន់​ទន្លេ​ដែល​មាន​ទទឹង​ ១៥០ ​ម៉ែត្រ ហើយ ដាក់​ខ្សែសន្ទូច​អង្គុយ​ស្ទូច​ក្នុង​រណ្តៅ ទឹកកក​ដែល​ខួង​រួច៕IN

0

Comments

Please, login or register to post a comment