កម្ពុជា​កំពុង​អនុវត្ត​តាម​ប្រទេស​ជិត​ខាង​របស់​ខ្លួន ដូច​ជា ប្រទេស​ថៃ ឥណ្ឌូនេស៊ី និង​ប្រទេស​មីយ៉ាន់ម៉ា ដែរ ក្នុង​ការ​សម្រេច​ចិត្ត​របស់​ខ្លួន​នា​ពេល​ថ្មីៗ​នេះ ដើម្បី​ប្រគល់​ប្លុក​រ៉ែ​ប្រេង​លើ​គោក និង​ក្នុង​សមុទ្រ​ឲ្យ​ទៅ​ក្រុម​ហ៊ុន​ដេញ​ថ្លៃ​ដែល​ហ៊ាន​ឲ្យ​តម្លៃ​ខ្ពស់។ តែ​ដោយ​សារ​គ្មាន​ទិន្នន័យ​ច្បាស់​លាស់ និង​គ្មាន​រឿង​ជោគជ័យ​ណាមួយ​ដើម្បី​បង្ហាញ​នោះ ការ​ផ្តល់​ប្លុក​រ៉ែ​ប្រេង​ឲ្យ​ក្រុម​ហ៊ុន​ដែល​ហ៊ាន​ថ្លៃ​ខ្ពស់ អាច​ក្លាយ​ជា​ការ​ភ្នាល់​គ្នា​ទៅ​វិញ។