Search form

Login - Register | FOLLOW US ON

Logo of Phnom Penh Post newspaper Phnom Penh Post - រនាំង​ទ្វារ​គេហដ្ឋាន​លោកស្រី ស៊ូជី នឹង​ត្រូវ​ដាក់​ដេញ​ថ្លៃ

Content image - Phnom Penh Post

រនាំង​ទ្វារ​គេហដ្ឋាន​លោកស្រី ស៊ូជី នឹង​ត្រូវ​ដាក់​ដេញ​ថ្លៃ

ក្រុងយ៉ាំងហ្គោនៈ អ្នក​ជំនួញ​ម្នាក់ ដែល​បច្ចុប្បន្ន​ជា​ម្ចាស់​នៃ​រនាំង​ទ្វារ​ទាំងនោះ បាន​និយាយ​ថា រនាំង​ទ្វារ​មួយ​ឈុត ដែល​បាន​ក្លាយ​ជា​និមិត្តរូប​ជាច្រើន​ឆ្នាំ​ក្រោម​ការ​ឃុំឃាំង​ឲ្យ​នៅ​តែ​ក្នុង​ផ្ទះ​របស់​ជើងឯក​លទ្ធិប្រជាធិបតេយ្យ​ មីយ៉ាន់ម៉ា លោកស្រី អ៊ុងសាន ស៊ូជី នឹង​ត្រូវ​គេ​ដាក់​លក់​ដោយ​ដេញ​ថ្លៃ។

រនាំង​ទ្វារ​ដែល​លាប​ពណ៌​លឿង​និង​ក្រហម​របស់​បក្ស​សម្ព័ន្ធជាតិ​ដើម្បី​លទ្ធិប្រជាធិបតេយ្យ ​(NLD)​ របស់​លោកស្រី​ស៊ូជី​នោះ ធ្លាប់​ត្រូវ​បាន​ដាក់​នៅឯ​ច្រក​ចូល​នៃ​វិមាន​ក្រុង​យ៉ាំងហ្គោន ដែល​ខ្ទេចខ្ទាំ ជា​ទី​ដែល​អ្នកទោស​នយោបាយ​ល្បី​បំផុត​របស់​មីយ៉ាន់ម៉ា​រូប​នោះ ត្រូវ​បាន​គេ​បង្ខាំង​ឲ្យ​នៅក្នុង​ផ្ទះ​ភាគច្រើន​បំផុត​ក្នុង​ទសវត្សរ៍​ឆ្នាំ​ ១៩៩០ និង​ ២០០០ ព្រោះ​តែ​ការ​ប្រឆាំង​ឥត​សំចៃ​ចំពោះ ការ​គ្រប់គ្រង​របស់​យោធា។

Content image - Phnom Penh Post

ដោយ​ប្រើ​កិត្តិយស​សម្រាប់​លោកស្រី​ស៊ូជី ម្ចាស់​ភោជនីយដ្ឋាន លោក Soe Nyunt បាន​ប្រាប់ AFP ថា៖ «រនាំង​ច្រក​ចូល​ទាំងនោះ គឺជា​សម្បត្តិ​ផ្ទាល់​ខ្លួន​របស់​ខ្ញុំ​។ ខ្ញុំ​បាន​ទិញ​ពួកវា កាល​ខ្ញុំ​នៅ​ធ្វើការ​លើ​សួន​ក្នុង​បរិវេណ​ផ្ទះ​លោកស្រី​ស៊ូជី បន្ទាប់ពី​ការ​ដោះលែង​លោកស្រី​ពី​ការ​ឃុំឃាំង​នៅក្នុង​ផ្ទះ​នោះ»។

អ្នកជំនួញ ដែល​ជា​អ្នកគាំទ្រ​បក្ស​ NLD រូប​នោះ បាន​និយាយ​ថា លោក នឹង​លក់​រនាំង​ទ្វារ​ទាំងនោះ​ដើម្បី​ប្រាក់ សម្រាប់​ទាំង​ការ​សង់​ទីស្នាក់ការ​បក្ស​ថ្មី និង​សម្រាប់​ឆ្លង​ខួប​ ១០០ ​ឆ្នាំ ​ឧត្តមសេនីយ៍ អ៊ុងសាន ជា​ឪពុក​លោកស្រី ស៊ូជី និង​ជា​ស្ថាបនិក​នៃ ​មីយ៉ាន់ម៉ា​ សម័យ​ទំនើប​នៅ​ពេល​ខាង​មុខ។

លោក​បាន​បន្ថែម​ថា លោក​នឹង​មិន​ទទួល​យក​តម្លៃ​ក្រោម​២០​ម៉ឺន​ដុល្លារ សម្រាប់​រនាំង​ទ្វារ​ទាំងនោះ​ឡើយ។

លោក Soe Nyunt បាន​និយាយ​ថា៖ «ខ្ញុំ​គិត​ថា សហគមន៍​អន្តរជាតិ​និង​ចាប់​អារម្មណ៍ ដូច្នេះ​ខ្ញុំ​នឹង​រង់ចាំ​មួយ​រយៈពេល​មុន​ពេល​ខ្ញុំ​ដាក់​ពួក​វា​ដេញ ថ្លៃ​ដោយ​ផ្ទាល់»។

ក្នុង​អំឡុង​ពេល​មាន​សិទ្ធិ​ខ្លះៗ​នៅពេល​ការ​ដាក់​កម្រិត​ប្រឆាំង​លោកស្រី​ ស៊ូជី ត្រូវ​បាន​បន្ធូរបន្ថយ ជា​រឿយៗ​គេ ឃើញ​លោកស្រី​ស្វាគមន៍​ក្រុម​អ្នក​ជូនពរ​ដោយ​ទទួល​បាច់ផ្កា​រំលង​រនាំង​ដ៏ រឹងមាំ​នោះ​ជា​ការ​ផ្គើន​នឹង​ក្រុម​របប​យោធា​ដែល​បាន​គ្រប់គ្រង​ប្រទេស ​មីយ៉ាន់ម៉ា​ ដោយ​កណ្តាប់ដៃ​ដែក​ពី​ឆ្នាំ​ ១៩៦២ រហូត​ដល់​ឆ្នាំ​២០១០៕ IN

0

Comments

Please, login or register to post a comment