លោក សាន គឹមស៊ាន ដែល​មាន​រហស្សនាម​ថា ​​គ្រូ​តា​ក្រមា​មាស» នៃ​ក្បាច់​គុន​កីឡា ល្បុក្កតោ​កម្ពុជា បាន​ក្លាយ​ជា​ស្ថាបនិក​ដ៏​ល្បី​ឈ្មោះ​ម្នាក់ ដែល​បាន​ជួយ​ឲ្យ​កីឡា ល្បុក្កតោ មាន​ជីវិត​រស់​ឡើង​វិញ ព្រោះ​លោក​បាន​ចំណាយ​ពេល​វេលា​ក្នុង​ឆាក​ជីវិត​ចុង​ក្រោយ​របស់​ខ្លួន​អស់​រយៈ​ជាង ១៩​ឆ្នាំ ដើម្បី​កសាង​និង​ចងក្រង​ឯកសារ​ជាច្រើន​ព្រម​ទាំង​មាន​រូបភាព​គំនូរ​គូរ​ដោយ​ផ្ទាល់​ដៃ​ការ​សរសេរ​សៀវភៅ និង​ការ​ផលិត​ឯកសារ វីដេអូ ស្តី​ពី​ក្បាច់​គុន​កីឡា ល្បុក្កតោ បញ្ជូន​ឲ្យ​រាជ​រដ្ឋាភិបាល​កម្ពុជា សម្រាប់​ដាក់​កីឡា​ប្រភេទ​នេះ​ចូល​ទៅ​ក្នុង​អង្គការ យូណេស្កូ។