ប្រជា​ពលរដ្ឋ​ខ្មែរ​ភាគ​ច្រើន​តែង​តែ​មាន​ជំនឿ​លើ​អារក្ខ អ្នកតា បដិមា រូប​សំណាក​និង​ជឿ​លើ​អបិយ​ជំនឿ​ផ្សេងៗ​ទៅ​តាម​តំបន់​ឬ​និគម​ដែល​ខ្លួន​រស់​នៅ​ដែល​នេះ​ជា​ទំនៀម​ទម្លាប់​របស់​ខ្មែរ​កើត​មាន​តាំង​ពី​បុរាណ​មក​ម៉្លេះ តែ​អ្វី​ដែល​គួរ​ឲ្យ​ចាប់​អារម្មណ៍​គឺ​នៅ​កណ្តា​ក្រុង​ទេសចរណ៍ សៀមរាប នោះ​គឺ​ទីតាំង​សក្ការ​បូជា ព្រះ​អង្គ​ចេក ព្រះ​អង្គ​ចម ដែល​មាន​មនុស្ស​ម្នា​ចេញ​ចូល​មិន​ដាច់ ក៏​ព្រោះ​តែ​ទីនោះ​ជា​ទីតាំង​ស័ក្តិសិទ្ធិ និង​មាន​ប្រវត្តិ​បែប​អច្ឆរិយ​តែ​មួយ​គត់​ដែល​ប្រជាជន​ខ្មែរ​បាន​ទៅ​ដល់​ទីនោះ​មិន​អាច​រំលង​ដោយ​មិន​គោរព​បូជា​បាន​ឡើយ។