Search form

Login - Register | FOLLOW US ON

Logo of Phnom Penh Post newspaper Phnom Penh Post - Ronaldo នឹង​មាន​ការ​សោកស្តាយ​ក្រោយពី​បែកបាក់​ជាមួយ​នឹង​នាង Irina

(ពី​ឆ្វេង​ទៅ​ស្តាំ) នាង Irina និង​កីឡាករ Ronaldo កាលពី​នៅ​មាន​ភាព​ផ្អែមល្ហែម។
(ពី​ឆ្វេង​ទៅ​ស្តាំ) នាង Irina និង​កីឡាករ Ronaldo កាលពី​នៅ​មាន​ភាព​ផ្អែមល្ហែម។ AFP

Ronaldo នឹង​មាន​ការ​សោកស្តាយ​ក្រោយពី​បែកបាក់​ជាមួយ​នឹង​នាង Irina

ខ្សែប្រយុទ្ធ Cristiano Ronaldo ប្រាកដ​ជា​ស្តីបន្ទោស​ឲ្យ​ខ្លួនឯង​សម្រាប់​អនុញ្ញាត​ឲ្យ​អតីត​មិត្តស្រី​របស់​ខ្លួន​នាង Irina Shayk ចាកចេញ​។

តារា​បង្ហាញម៉ូដ​សញ្ជាតិ​រុស្ស៊ី​ដ៏ស្រស់ស្អាត​រូប​នេះ បាន​បង្ហាញ​ពី​ដងខ្លួន​ដ៏​ល្វតល្វន់​របស់​ខ្លួន​ដើម្បី​បង្ហាញ​ថា Ronaldo នឹង​មាន​ការសោកស្តាយ​អំឡុង​ថ្ងៃ​វិស្សមកាល​របស់​នាង​ទៅ​កាន់​ទីក្រុង Cancun ប្រទេស​ម៉ិកស៊ិក ក្រោយពី​ការ​បែកបាក់​របស់​នាង​។

នាង Irina វ័យ​២៩​ឆ្នាំ បាន​ដោះ​សម្លៀកបំពាក់​ចេញ​ដើម្បី​បង្ហាញ​ពី​រាងកាយ​ដ៏ស្រឡូន​របស់​នាង​ក្នុង​ឈុត​ហែលទឹក​ប៊ីគីនី នៅពេល​ដែល​នាង​បាន​ចុះ​ហែលទឹក​ក្រោម​ពន្លឺព្រះអាទិត្យ​នៅ​ឆ្នេរខ្សាច់​នៃ​ទីក្រុង Cancun​។

Content image - Phnom Penh Post

ជាមួយ​នឹង​ការ​ស្លៀកពាក់​ឈុត​ប៊ីគីនី​ខុស​ពណ៌​គ្នា​រួម​នឹង​អាវ​ពណ៌​ផ្កា និង​ខោ​ខ្មៅ នាង​បាន​បង្ហាញ​ពី​ចង្កេះ​ដ៏តូចច្រឡឹង​របស់​នាង ខណៈ​ដែល​នាង​ហាក់​មាន​រាង​ដ៏​គួរ​ឲ្យ​ទាក់ទាញ​គ្រប់​កន្លែង​ទាំងអស់​។

នាង Irina ប្រាកដ​ជា​មាន​អ្នក​តាម​សុំ​ស្នេហ៍​ជាច្រើន​ហើយ​មក​ទល់​ពេល​នេះ ក្រោយពី​ទំនាក់ទំនង​រយៈពេល ​៥ ​ឆ្នាំ​របស់​នាង​ជាមួយ​នឹង Ronaldo បាន​ឈាន​ដល់​ទីបញ្ចប់​កាលពី​ខែ​មុន​។

នាង Irina បាន​ប្រកាស​ពី​ការ​បែកបាក់​នេះ​តាមរយៈ​ការ​ចេញ​នូវ​សេចក្តីប្រកាស​មួយ​ដើម្បី​ច្រានចោល​ទៅលើ​ពាក្យ​ចចាមអារ៉ាម​ផ្សេងៗ​ថា ជម្លោះ​មួយ​រវាង​នាង និង​លោកស្រី Dolores Aveiro ដែល​ជា​ម្តាយ​របស់​នាង រួម​ជាមួយ​នឹង​បងប្អូន​ស្រី​របស់​នាង Elma និង Katia គឺជា​មូលហេតុ​នៅ​ពី​ក្រោយ​ការ​បែកបាក់​នេះ​។

អ្នក​នាំពាក្យ​របស់​នាង​បាន​បញ្ជាក់​ថា​៖ «​ពាក្យចចាមអារ៉ាម​ជា​អវិជ្ជមាន​ណា​មួយ​អំពី Irina និង​ក្រុម​គ្រួសារ Ronaldo ពិតជា​មាន​លក្ខណៈ​ត្រឹមត្រូវ​ឡើយ ហើយ​មិនមែន​ជា​កត្តា​ដែល​បាន​បណ្តាល​ឲ្យ​មាន​ការ​បែកបាក់​នេះ​ឡើយ​»​។

ពាក្យ​ចចាមអារ៉ាម​ផ្សេងៗ​អំពី​ទំនាក់ទំនង​របស់​ពួកគេ​បាន​កើតឡើង​ចាប់​តាំងពី​នាង Irina បាន​អវត្តមាន​ក្នុង​កម្មវិធី​ប្រគល់​រង្វាន់​បាល់​មាស Ballon D'Or កាលពី​ខែ​មុន​មក​ម៉េ្លះ​។

Irina បាន​កសាង​កេរិ៍្តឈ្មោះ​ល្បី​ល្បាញ​ជា​តារា​បង្ហាញ​ម៉ូដ និង​បាន​ក្លាយ​ជា​តួឯក​ក្នុង​រឿង Hercules៕

0

Comments

Please, login or register to post a comment