ភ្នំពេញៈ លោក ជា ច័ន្ទបរិបូរណ៍ រដ្ឋលេខាធិការ​ក្រសួង​ព័ត៌មាន និងជា​អនុប្រធាន​ទី ១ សហព័ន្ធ​កីឡា អេឡិចត្រូនិក​កម្ពុជា បាន​ប្រាប់​កាលពី​ម្សិលមិញ​ថា ដោយ​សក្តានុពល​កីឡា​អេឡិចត្រូនិក​កម្ពុជា (E-Sports) មាន​កម្រិត​ខ្ពស់​ក្នុង​តំបន់ និងមាន​ចំណាត់​ថ្នាក់​ល្អ​ក្នុង​កម្រិត​ពិភពលោក​នោះ កម្ពុជា​យើង​ទទួល​បាន​សិទ្ធិ​ក្នុងការ​អញ្ជើញ​សមាជិក E-Sports ក្នុង​អាស៊ាន ដើម្បី​បង្កើត​សហព័ន្ធ​កីឡា អេឡិចត្រូនិក​អាស៊ាន នៅ​សប្តាហ៍​ទី ៣ ក្នុង​ខែ​ឧសភា ឆ្នាំ ២០១៧ ខាងមុខ​នេះ។