ភ្នំពេញៈ ក្រុម​ជម្រើស​ជាតិ​កម្ពុជា បាន​បង្កើន​ឱកាស​កាន់​តែ​ខ្ពស់ ក្នុងការ​ឈ្នះ​កៅអី​ឡើង​ទៅ​វគ្គបន្ត​នៃការ​ប្រកួត​ពានរង្វាន់ AFF Suzuki Cup 2016 បន្ទាប់ពី​ក្រុម​ម្ចាស់ផ្ទះ​មួយនេះ បាន​បន្តយក​ឈ្នះ​ក្រុម​ជម្រើស​ជាតិ​ប្រ៊ុយណេ ៣-០ ក្នុងការ​ប្រកួត​ជម្រុះ​លើកទី ២ នៅ​ពហុ​កីឡដ្ឋាន​ជាតិ កាល​ពីយប់​ថ្ងៃ​អង្គារ ម្សិលមិញ ស្រប​ពេល​ដែល ប្រាក់ មុន្នីឧត្តម បាន​បង្កើត​កំណត់​ត្រា​ថ្មីមួយ ក្នុងការ​ស៊ុតបាល់​ចេញពី​ជ្រុង​បញ្ចូលទី ប៉ុន្តែ​ក្រុម​ទីម័រ​ខាងកើត លែងមាន​ឱកាស​ប្រជែង​ទៀត​ហើយ ខណៈ​ពួកគេ​បាន​បន្តទៅ​ចាញ់​ក្រុម​ឡាវ​នោះ។