ភ្នំពេញៈ សហព័ន្ធ​កីឡា​បាល់ទាត់​កម្ពុជា (FFC) បាន​សម្រេច​ចុះ​កុងត្រា​ថ្មី​ជាមួយ​គ្រូបង្វឹក​ជនជាតិ​ប្រេស៊ីល​លោក Leonardo Vitorino ដើម្បី​ដឹកនាំ​ក្រុម​ជម្រើសជាតិ​កម្ពុជា ជំនួស​គ្រូបង្វឹក​ជនជាតិ​កូរ៉េខាងត្បូង លោក Lee Tae Hoon ដែលបាន​ផុត​កុងត្រា តាំងពី​ចុងឆ្នាំ ២០១៦ ហើយ​លោក សៅ សុខា បាន​ចាត់ទុក​ការនាំយក​គ្រូ​ប្រេស៊ីល​មក​ដឹកនាំ​ក្រុម​ជម្រើសជាតិ​កម្ពុជា​នេះថា ជា​ប្រវត្តិសាស្ត្រ​របស់​លោក និង​វិស័យ​បាល់ទាត់​នៅកម្ពុជា។