ភ្នំពេញៈ ការប្រកួត​វិលជុំ​សន្សំ​ពិន្ទុ​ដណ្តើម​ខ្សែ​ក្រវាត់​ខារ៉ាបាវ និង​មិត្តភាព​អន្តរជាតិ នៅ​សង្វៀន SEATV ចំនួន ៣ លើក កាល​ពីថ្ងៃ​សៅរ៍ និង​ព្រឹក​ថ្ងៃ​អាទិត្យ ម្សិលមិញ គឺមាន​លទ្ធផល​គួរឲ្យ​កត់​សម្គាល់ ស្របពេល រឿម វណ្ណៈ សន្លប់​ក្រោម​ស្នៀត​ជើង​របស់ Loom Leng យ៉ាង​លឿន​បំផុត ប៉ុន្តែ​មាស ច័ន្ទមាន,រឿង សោភ័ណ្ឌ និង ឡុង សុភី សុទ្ធតែ​បាន​ឈ្នះ​ថៃ​ស្តារ​មុខមាត់​ឲ្យមាន​ប្រិយភាព​ឡើង​វិញ។ ចំណែក​គូដណ្តើម​ប្រាក់ ១០០០ ដុល្លារ​របស់​Ganzbeurg បាន​ទៅ យ៉េន ឌីណា ដែល​លទ្ធផល​នេះ​ដូចការ​ទស្សន៍ទាយ​របស់​ទស្សនិកជន​ភាគ​ច្រើន​តាំង​ពីមុន​ប្រកួត។