ភ្នំពេញៈ នៅ​ទីបំផុត ការប្រកួត​ផ្តាច់ព្រ័ត្រ ដណ្តើម​ខ្សែក្រវាត់​ខារ៉ាបាវ ទម្ងន់ ៦៣,៥ គីឡូក្រាម រវាង​កីឡាករ​ថៃ និង​ថៃ នៅ​លើ​សង្វៀន SEATV កាល​ពីថ្ងៃ​សៅរ៍ គឺ Loom Leng បាន​យក​ឈ្នះ​លើ​ជនរួមជាតិ​របស់​គេ Phlay Noy ប៉ុន្តែ​សកម្មភាព​ប្រកួត ត្រូវបាន​គេមើល​ឃើញ​ថា វ៉ៃគ្នា​មិន​អស់ពី​សមត្ថភាព ក្រោម​ក្រសែភ្នែក​អ្នកទស្សនា​ច្រើន​ពាន់​នាក់ ហើយ​អ្នកទស្សនា​ភាគ​ច្រើន​ហាក់បី​ដូចមិន​សប្បាយចិត្ត​និង​ខកចិត្ត​ចំពោះ​វត្តមាន​ប្រកួត​ដូចជា​លក្ខណៈ​សម្តែង​មិនសម​នឹង​តម្លៃ​ទឹកប្រាក់ ២០ លាន​រៀល​នោះ។