ភ្នំពេញៈ ការ​ប្រកួត​មិត្តភាព​អន្តរជាតិ​កម្ពុជា​ថៃចំនួន ៦ គូ នៅសង្វៀន SEATV កាលពី​ថ្ងៃ​សៅរ៍ និង​ថ្ងៃ​អាទិត្យ កន្លង​មកនេះ ​បាន​បង្ហាញ​ឲ្យឃើញ​ថា សមត្ថភាព​របស់កីឡាករ​ថៃ​នៅ​តែមាន​ប្រៀប​ឈ្នះ​កីឡាករ​ខ្មែរច្រើន​ដដែល​ ទោះ​បីជា​គណៈកម្មការ​រៀបចំ​ប្រកួត​សង្វៀន​នេះ ​ប្រឹង​ប្រែង​ជម្រើស​កីឡាករ​ខ្មែរល្បីៗ​ល្អៗ​មកពី​ក្លិប​ធំៗ​ក៏ដោយ​ ព្រោះ​កីឡាករថៃ​បាន​ឈ្នះ ៣ នាក់ ស្មើ ១ និង​ចាញ់ ២ នាក់ ដូចទៅ​នឹង​ការ​ព្យាករ​មុន​ការប្រកួត។​