ភ្នំពេញៈ ពិធីបុណ្យ​ទន្លេ លើក​ទី ៣ ឆ្នាំ ២០១៧ ដែល​នឹង​ត្រូវធ្វើ​នៅ​ខេត្ត​ស្ទឹងត្រែង ចាប់ពី​ថ្ងៃទី ២៤ ដល់​ទី ២៦ ខែ​មីនា ចុង​សប្តាហ៍​នេះ ត្រូវ​បាន​លោក វ៉ាត់ ចំរើន អគ្គលេខាធិការ​នៃ​គណៈកម្មាធិការ​ជាតិ​អូឡាំពិក​កម្ពុជា (NOCC) និង​ជា​ប្រធាន​អនុគណៈ​កម្មការ​រៀបចំ​កីឡា​បុណ្យ​ទន្លេ​នេះ បាន​ប្រកាស​ឲ្យ​ដឹងកាល​ពី​ម្សិលមិញ​ថា មាន​ប្រភេទ​កីឡា​ចំនួន ១០ ត្រូវ​ចូលរួម ដោយ​ក្នុងនោះ​ក៏មាន​ការប្រកួត​ជា​លក្ខណៈ​ជាតិ​កម្សាន្ត និង​ប្រកួត​កីឡា​មិត្តភាព​អន្តរជាតិ ជាមួយ​ប្រទេស​ជិត​ខាង មាន​ថៃ និង​ឡាវ​ផងដែរ។