ភ្នំពេញ: កីឡាករ​វាយ​កូនបាល់​ដ៏ឆ្នើម​របស់​កម្ពុជា ប៊ុន កេននី ដែល​ជា​សមាជិក​ចូលរួម​ក្នុង​កម្មវិធី Davis Cup បាន​ខ្ជះខ្ជាយ​ការ​នាំ​មុខ​១​សិត ដើម្បី​រង​បរាជ័យ​ក្នុង​លទ្ធផល ៦-៣ ៣-៦ និង ៣-៦ ក្រោម​ស្នាដៃ​កីឡាករ​កា​ហ្សាក់ស្ថាន Timur Khabbulin ក្នុង​ការ​ប្រកួត​ជុំ​ទី​១​នៃ​ពាន​រង្វាន់ GLF Cham Prasidh Open របស់​កម្មវិធី ITF Cambodian Futures ដែល​ផ្តល់​រង្វាន់​ជា​ទឹកប្រាក់​១​ម៉ឺន​ដុល្លារ នៅលើ​ទីលាន​មជ្ឈមណ្ឌល​ជាតិ​កីឡា​វាយ​កូនបាល់​កាលពី​ថ្ងៃ​ម្សិលមិញ​។ កីឡាករ​ជំនាញ​ដៃស្តាំ​វ័យ​២៤​ឆ្នាំ​រូប​នេះ ស្ទើរ​តែ​ធ្វើ​ដំណើរ​ឆ្ពោះ​ទៅកាន់​ការ​ទទួល​បាន​ពិន្ទុ​ក្នុង​ចំណាត់ថ្នាក់​របស់​ខ្លួន​ទៅ​ហើយ​នៅពេល​ដែល​រូប​គេ​បាន​នាំ​មុខ ២-០ ក្នុង​សិត​ទី​២ ក្រោយពី​កត់ត្រា​ជ័យជម្នះ​យ៉ាង​កក់ក្តៅ​ក្នុង​សិត​ទី​១​។