ភ្នំពេញៈ ក្រុម​ជម្រើស​ជាតិ​កម្ពុជា នឹងត្រូវ​ប្រកួត​មិត្តភាព​អន្តរជាតិ​ជាមួយ​ក្រុម​ជម្រើស​ជាតិ​ទីម័រ​ខាងកើត នៅ​ពហុកីឡដ្ឋាន​ជាតិ នាល្ងាច​ម៉ោង ៧ ថ្ងៃអាទិត្យ ខាង​មុខនេះ ហើយ​ការ​ប្រកួត​ដែល​នឹងមាន​ការ​ផ្សាយផ្ទាល់​តាម​ទូរទស្សន៍ BTV នេះ​ត្រូវបាន​គេគិត​ថា នឹងមាន​អ្នក​ចូលរួម​យ៉ាងច្រើន ព្រោះក្រៅ​ពីការ​មើល​បាល់​ទាត់ ពួកគេ​ក៏នឹង​មាន​ឱកាស​រាំបទ «រាំញីកែង​ជើង» ដើម្បី​បំបែក​កំណត់​ត្រាថ្មី រួមជា​មួយ​អ្នក​ចម្រៀង​វ័យក្មេង ងួន ចាន់ដាវីត មកពី​ផលិត​កម្មហង្ស​មាស ផងដែរ។