ភ្នំពេញៈ ក្រុម​កីឡាករ​កាយវប្បកម្ម​កម្ពុជា ដែល​គេ​ស្គាល់​ថា ជា​អ្នកលេង​សាច់ដុំ​នោះ បាន​បង្ហាញ​ពី​អារម្មណ៍​រំជួល​ចិត្ត​ខ្លាំង​រហូត​ស្រក់​ទឹកភ្នែក ខណៈ​ពួកគេ​បាន​រក​ឃើញ​ជ័យជម្នះ​ជា​ប្រវត្តិសាស្ត្រ​របស់​ខ្លួន​គឺការ​ឈ្នះ​បាន​ទាំង​មេដាយ​មាស ប្រាក់ និង​មេដាយ​សំរឹទ្ធ ពីការ​ប្រកួត​កីឡា​កាយវប្បកម្ម​ជើងឯក​ពិភពលោក​លើក​ទី ៩ ឆ្នាំ ២០១៧ (9th World Body Building and Physique Sports Championships) នៅ​ទីក្រុង Ulan Bator ប្រទេស​ម៉ុងហ្គោលី បន្ទាប់​ពី​ពួកគាត់ បាន​តស៊ូ​លើ​វិស័យ​នេះ ស្ទើរ​អស់​ពី​ខ្លួន​នោះ។