ភ្នំពេញៈ បើ​ទោះបី​ជា សហព័ន្ធ​កីឡា​សូហ្វតិន្នីស​កម្ពុជា ទើប​តែ​បាន​បង្កើត​ឡើង និង​ទទួល​ស្គាល់​ដោយ NOCC និង​ក្រសួង​អប់រំ យុវជន និង​កីឡា នា​ចុង​ឆ្នាំ​២០១៤ ប៉ុន្តែ​រចនាសម្ព័ន្ធ​គ្រប់គ្រង​ដឹកនាំ មាន​សក្តានុពល​ល្អ ខណៈ​នៅពេល​នេះ​អត្តពលិក​ចំនួន​១១​នាក់​របស់​សហព័ន្ធ​ដ៏ថ្មោងថ្មី​មួយ​នេះ កំពុង​ហ្វឹកហាត់​ជាមួយ​គ្រូបង្វឹក​ស្ម័គ្រចិត្ត​សញ្ជាតិ​កូរ៉េ​ចំនួន​ពីរ​នាក់ ព្រមទាំង​គ្រូបង្វឹក​ខ្មែរ និង​ទីប្រឹក្សា​បច្ចេកទេស​សញ្ជាតិ​បារាំង​ម្នាក់ ដើម្បី​ត្រៀម​ចេញ​ទៅ​ប្រកួត​ថ្នាក់​អន្តរជាតិ នា​ពេល​ខាង​មុខ​។