ភ្នំពេញៈ ​មន្រ្តី​គណៈកម្មាធិការ​ជាតិ​អូឡាំ​ពិក​កម្ពុជា (NOCC) កាល​ពី​រសៀល​ថ្ងៃ​អង្គារ​ម្សិលមិញ បាន​កោះ​ហៅ​ក្រុម​អត្តពលិក គ្រូ​បង្វឹក​ និង​គ្រូ​ជំនួយ​នៃ​ក្រុម​ជម្រើស​ជាតិ ឲ្យ​​មក​ជួបជុំ​គ្នាក្នុង​សន្និសីទ​កាសែត​មួយ​ នៅ​ទី​ស្នាក់ការ​ផ្ទាល់​ខ្លួន ​ដើម្បី​ប្រកាស​ឲ្យ​​ដឹង​នូវ​ខ្លឹម​សារ​ និង​សារះ​​សំខាន់​មួយ​ចំនួន​ ដែល​ជា​គន្លឹះ​ចាំ​បាច់​ ពិសេស​ប្រកាស​ពី​ឈ្មោះ​ក្រុមហ៊ុន​ឯកជន​ថ្មី​មួយ​ទៀត ​ដែល​បាន​ចូលរួម​ឧបត្ថម្ភ​ដល់ដំណើការ​ចេញប្រកួតស៊ីហ្គេម លើក​ទី​២៨ នៅ​សិង្ហបុរី លើក​នេះ។