ភ្នំពេញៈ បន្ទាប់ពី​បើក​មហាសន្និបាត​គណៈកម្មាធិការ​ជាតិ​អូឡាំពិក​កម្ពុជា (NOCC) ប្រចាំ​ឆ្នាំ​ ២០១៤ ទិសដៅ​ឆ្នាំ​ ២០១៥ នៅ​ទីស្នាក់ការ NOCC កាលពី​ព្រឹក​ម្សិលមិញ អង្គមហាសន្និបាត បាន​ធ្វើការ​វាយតម្លៃ និង​បាន​សម្រេច​នូវ​ខ្លឹមសារ​ចំនួន​ ៤ ​ផ្នែក​ធំៗ​គឺ​ទី​១​ដាក់​ទិសដៅ​ផែន​ការ​ ៩ ​ចំណុច​ក្នុង​ឆ្នាំ​ ២០១៥ ទី​២​ផែនការ​ ៥ ​ចំណុច​សម្រាប់​ស៊ីហ្គេម​ឆ្នាំ​ ២០១៥ ទី​៣ តែងតាំង​ទីប្រឹក្សា​បន្ថែម​ចំនួន​ ៣ ​រូប និង​ទី​ ៤ ​កំណែទម្រង់​របស់​ក្រសួង​អប់រំ ​យុវជន ​និង​កីឡា​ ៣ ​ចំណុច​។