ភ្នំពេញៈ អ្នកប្រដាល់​ជើងថ្មី ម៉ន ចាន់ដារ៉ា​ និង ឆៃ សារ៉ា បាន​​ផ្តួល និង​ឈ្នះ​ដោយ​ពិន្ទុ​លើ​កីឡករ​​ជើងចាស់​រៀងៗ​ខ្លួន ​ក្នុង​កម្មវិធី GANZBERG ​នៅលើ​សង្វៀន SEATV កាលពី​ព្រឹក​ថ្ងៃ​អាទិត្យ។ ​រីឯ​ការប្រកួត​ជម្រុះ​វគ្គ​ ២ ​ដណ្តើម​ខ្សែក្រវាត់ K Cement នៅ​​សង្វៀន​ដដែល​​នេះ ​កាលពី​​ថ្ងៃ​សៅរ៍​ សូត្រ ប៊ុនធី និង លាស់ យីន បាន​ឈ្នះ​ ៣ ពិន្ទុ​ដូច​គ្នា ប៉ុន្តែ​ជំនួប​ មាស ច័ន្ទមាន និង ឃីម បូរ៉ា ត្រូវ​បាន​លើក​ពេល​ទៅ​ប្រកួត​នៅ​ថ្ងៃ​ទី​ ១៦ ខែ​ឧសភា​វិញ ដោយសារ បូរ៉ា ជួប​គ្រោះថ្នាក់​សារាចរណ៍​ រងរបួស​បន្តិចបន្តួច។