ភ្នំ​ពេញ: កីឡាករ​ទ្រី​យ៉ា​ត្លុង​កម្ពុជា ដែល​បាន​ចូល​រួម​ក្នុង​ព្រឹត្តិ​ការណ៍​ Triathlon ​International ​Championship​ ឆ្នាំ​២០១៦ នៅ​ប្រទេស​ថៃ​ ដណ្ដើម​បាន​មេដាយ​មាស​២​ ​ប្រាក់១​ ​និង​សំរឹទ្ធ២​ និង​បាន​វិល​ត្រឡប់​មក​ដល់​មាតុភូមិ​វិញ​ហើយ​។ លោក​ងិន ​សុបញ្ញា នាយក​រង​រដ្ឋ​​បាល​​នៃ​គណៈ​កម្មា​ធិការ​ជាតិ​អូឡាំ​ពិក​​កម្ពុជា (​NOCC​) និង​ជា​អគ្គ​លេខា​ធិការ​សហ​ព័ន្ធ​កីឡា​ទ្រីយ៉ា​ត្លុង​​កម្ពុជា បាន​​ឲ្យ​ដឹង​ថា​៖​ «ព្រឹត្តិការណ៍​នេះ ខាង​ភាគី​ថៃ តែងតែ​រៀប​ចំ​ជា​រៀងរាល់ឆ្នាំ​ដែល​មាន​លក្ខណៈ​ស្ដង់​ដារ​កម្រិត​ថ្នាក់​តំបន់ មាន​១១ប្រទេស​ចូល​រួម ហើយ​កម្ពុជា​ធ្លាប់​ចូល​រួម​កាល​ពី​ឆ្នាំ​២០១៥ និង​ទទួល​បាន​មេដាយ​សំរឹទ្ធ១​ម្ដង​រួច​មក​​ហើយ​​ក្នុង​វិញ្ញា​សា​អាយុ​២៩​ឆ្នាំ​ឡើង​»​​។