ភ្នំពេញៈ ក្រុម​បឹង​កេត​អង្គរ នៅ​តែ​ប្រជែង​យក​តំបន់​កំពូល​នៃ​ក្របខ័ណ្ឌ​មិត្ត​ហ្វូន​ខេមបូឌាន​លីក ឆ្នាំ ២០១៦ ពី​ក្រុមក្រសួង​ការពារជាតិ (ទ័ព) បាន​ដដែល បើទោះ​បីជា​ពួកគេ​បានបន្ត​ឈ្នះ​លើក្រុម​ម្ចាស់​ជើងឯក​ភ្នំពេញ​ក្រោន យ៉ាង​តានតឹង​ក៏​ដោយ ប៉ុន្តែ​កីឡាករ​ដ៏មាន​ប្រជា​ប្រិយ គួច សុកុម្ភៈ របស់​ណាហ្គាវើល បានធ្វើ​ដំណើរទៅ​ព្យាបាល​សរសៃ​កែងជើង​ឆ្វេង​នៅ​វៀតណាម កាលពី​ម្សិលមិញ​ដ៏គួរ​ឲ្យ​សង្វេគ។