ភ្នំពេញៈ ក្រុម​បឹងកេតអង្គរ របស់​កម្ពុជា នឹងត្រូវ​ប្រកួត​ជាមួយ​ក្រុមម្ចាស់​ជើងឯក​លីក​កំពូល​របស់​ម៉ាឡេស៊ី Johor Darul Ta''zim ក្នុងវគ្គ​ចែកពូល​នៃ​ពានរង្វាន់ AFC Cup 2017 នៅ​កីឡដ្ឋាន Tan Sri Dato Haji Hanssan Yunos Stadium លើ​ទឹកដី​ម៉ាឡេស៊ី នាយប់​ម៉ោង ៧:៤៥ ថ្ងៃ​អង្គារ​នេះ ដោយមាន​ការផ្សាយ​បន្តផ្ទាល់​តាម​ទូរទស្សន៍ BTV News ហើយ​ក្រុមឈរ​នៅពូល​ជាមួយគ្នា គឺក្រុម​ម្ចាស់​ជើងឯក​លីក​កំពូល​របស់​ហ្វីលីពីន Global ក៏ត្រូវ​ស្វាគមន៍​ក្រុមលេខ ៣ មកពី​លីកកំពូល​របស់​មីយ៉ាន់ម៉ា Magwe ថ្ងៃ​នេះដែរ។