ភ្នំពេញៈ ក្រុម​បឹង​កេតអង្គរ មិន​បាន​បណ្តោយ​ឲ្យ​ឱកាស​ប្រជែង​យក​ពាន​នៃ​ក្របខ័ណ្ឌ​មិត្តហ្វូន​ខេមបូឌាន​លីក ឆ្នាំ ២០១៦ ឃ្លាត​ឆ្ងាយ​ពីកណ្តាប់​ដៃ​របស់​ខ្លួន​នោះទេ ខណៈ​ពួកគេ​បាន​បន្ត​លត់​អាស៊ី​អឺរ៉ុប ៥-០ ក្នុងការ​ប្រកួត​បើក​ឆាក​ជើងទី ២ កាលពី​យប់​ថ្ងៃ​អាទិត្យ ម្សិល​មិញ ដើម្បី​តាម​ក្រុម​ក្រសួង​ការពារ​ជាតិ (ទ័ព) រីឯ​ក្រុម​ណាហ្គាវើល កាន់​តែ​រឹងមាំ ក្នុងការ​ឈរ​នៅ​លេខ​រៀងទី ៤ ទោះ​បីជា​ពួកគេ​មិន​អាច​ប្រជែង​យក​លេខ ៤ ពីក្រុម​ព្រះខ័ន​រាជស្វាយ​រៀង នៅ​សប្តាហ៍​នេះ​បាន​ក៏ដោយ។