ភ្នំពេញៈ លោក វ៉ាត់ ចំរើន អគ្គលេខាធិការ NOCC និង​ជា​ប្រធាន​សហព័ន្ធ​កីឡា​ល្បុក្កតោ​កម្ពុជា បាន​ជួប​សំណេះ​សំណាល​ជាមួយ​គ្រូ​គុន​ល្បុក្កតោ​ចាស់ៗ មកពី​បណ្ដា​ខេត្ត​ជា​ច្រើន ដូចជា​ខេត្ត​ពោធិ៍សាត់ ខេត្ត​កំពង់ឆ្នាំង ខេត្ត​តាកែវ ខេត្ត​កំពត ខេត្ត​សៀមរាប និង​រាជធានី​ភ្នំពេញ កាលពី​ព្រឹក​ម្សិលមិញ នៅ​ទីស្នាក់​ការ NOCC ដើម្បី​កំណត់​ទិសដៅ​ឲ្យ​កីឡា​ល្បុក្កតោ​កម្ពុជា មាន​ការ​ហ្វឹកហាត់​ជា​ប្រចាំ និង​ចូលរួម​ប្រកួត​តាមទី​មហាជន​នានា​ដូចជា​បុណ្យ​ប្រពៃណី​ជាតិ​តាម​វត្ត​អារាម​ជាដើម។