ភ្នំពេញៈ កីឡាករ​កម្ពុជា ផាន់ គ្រាន់ បាន​បន្ត​យក​ឈ្នះ​ថៃ Kong Sayam ទាំង​លំបាក ដើម្បី​ទទួល​បាន ៣ ពិន្ទុ​បន្ថែម ក្នុងការ​ប្រកួត​វិលជុំ​ដណ្តើម​ខ្សែ​ក្រវាត់​ខារ៉ាបាវ ទម្ងន់ ៦៣,៥ គ.ក្រ ប៉ុន្តែ ធន់ ចាន់តាក់ បាន​ចាញ់​ពិន្ទុ Pha Yalek ដាច់​តែម្តង។ ចំណែក ឈិន ក្វាន់ង៉ុយ ត្រូវ​បាន​អាជ្ញាកណ្តាល​បញ្ឈប់​ត្រឹម​ទឹក​ទី ៤ ដោយសារ​គ្មាន​សមត្ថភាព​តដៃ​ជាមួយ​ម្ចាស់​ខ្សែក្រវាត់​ពីរ​ស្ថាប័ន​មកពី​អ៊ូសបេគីស្ថាន Bakho Dirijon ដែល​ចេះ​គ្រប់​ស្នៀត​ធ្វើ​ឲ្យ ឈិន ក្វាន់ង៉ុយ ដូច​បាវ​សាក់។