ភ្នំពេញ: ជើង​ខ្លាំង​ទម្ងន់​ស្រាល​ពេជ្រ ម្ទេស​ខ្មាំង នឹង​ត្រូវ​ដាក់​ឲ្យ​ប្រកួត​ជា​មួយ​ជើង​ខ្លាំង​របស់​ថៃ​ Phoun Savath ខណៈ​ដែល​កីឡាករ​ជា សំនៀង ត្រូវ​ដាក់​ឲ្យ​ប្រកួត​ជា​មួយ​ Phich Nam Ek​ របស់​ថៃ។ ជាមួយ​គ្នា​នេះ​ដែរ ជើង​ខ្លាំង​គង់​ សំបូរ និង​ង៉ែត្រ​ រដ្ឋា​ នឹង​ត្រូវ​ដាក់​ឲ្យ​ប្រកួត​សងសឹក​គ្នា​ ក្រោយ​ពីការ​ជួប​គ្នា​លើក​ចុង​ក្រោយ គង់​ សំបូរ​ បាន​ចាញ់​អស់​ឱកាស​បាន​ខ្សែ​ក្រវាត់ និង​បាន​តវ៉ា​ចំពោះ​លទ្ធ​ផល​បរាជ័យ​របស់​គេ​ដោយ​អះអាង​ថា ជាការ​កាត់​សេចក្តី​ដោយ​អយុត្តិ​ធម៌​ ពី​សំ​ណាក់​ចៅ​ក្រម។