ភ្នំពេញ: អ្នកប្រដាល់ យុគ យក្សគីល​ មកពី​ក្លិប​អប់រំកាយ​ខេត្ត​បាត់ដំបង ដែល​បាត់​មុខ​ពី​សង្វៀន​ប្រដាល់​ជិត​ ៣ ​ឆ្នាំ​នោះ ​បាន​វិល​​មក​កាន់​សង្វៀន​ជាថ្មី ដោយ​រូប​គេ​ជាមួយ​កីឡាករ​ជើងចាស់​មិន​សូវ​ល្បី​​ឈ្មោះ ម៉ូ រដ្ឋា ក្លិប​ព្រៃ​ទទឹង​បង្ក្រាប​គ្រឿងញៀន​ខេត្ត​បាត់ដំបង​ដូច​គ្នា ​ក្នុង​ទម្ងន់​ ៦៩ ​គីឡូក្រាម ក្នុង​ឋានៈ​ជា​គូឯក​ប្រចាំ​សប្តាហ៍​ នៅលើ​សង្វៀន SEATV នា​​រាត្រី​ថ្ងៃ​អាទិត្យ ខាង​មុខ​នេះ​។