ភ្នំពេញៈ ​អ្នកប្រដាល់​ជើង​ខ្លាំង យ៉េន ឌីណា ​របស់​ក្លិប​អប្សរាគុន​ខ្មែរ ​បានក្លាយ​ជាម្ចាស់ខ្សែ​ក្រវាត់​កំពូលអ្នក​ប្រដាល់​ជើង​ឯក​គោជល់ ក្នុង​ប្រភេទ​ទម្ងន់ ៦០ គីឡូ​ក្រាម យ៉ាង​ស័ក្តិសមបំផុត បន្ទាប់​ពី​រូបគេ​បាន​ធ្វើ​ឲ្យ​អ្នក​ប្រយុទ្ធ​របស់​ឡាវ Chhanakchhai Saraphiyim ចាញ់​ទាំង​អស់ចិត្ត ក្នុង​ការ​ប្រកួត​ផ្តាច់ព្រ័ត្រ នៅ​លើ​សង្វៀន CNC កាលពីយប់​ថ្ងៃ​សៅរ៍។ រីឯ សុខ សុវណ្ណ បានឈ្នះឡាវដូច​គ្នា ដើម្បី​ទទួល​បានលេខ ៣។