ភ្នំពេញៈ អ្នក​ប្រដាល់​មកពី​តំបន់​ប្រតិបត្តិការ​សឹករង​ខេត្ត​សៀមរាប សេក រតនា ហាក់​មាន​ការ​បារម្ភ​ទៅលើ​ជំនាញ​វាយ​កែង​យ៉ាង​មាន​គ្រោះថ្នាក់​របស់ រឿម វណ្ណៈ ខណៈ​អ្នក​ទាំង​២​ត្រូវ​ជួប​គ្នា ក្នុង​ការ​ប្រកួតវិល​ជុំ​ព្រឹត្តិការណ៍​កំពូល​អ្នក​ប្រដាល់​ស្រាបៀរ​លីអូ ទម្ងន់​៦០​គីឡូក្រាម នៅលើ​សង្វៀន​ស៊ីធីអិន​ស្តាតចាស់ នា​រសៀល​ម៉ោង​១ ថ្ងៃ​សៅរ៍ ខាង​មុខ​នេះ ប៉ុន្តែ រតនា នៅ​តែ​សង្ឃឹម​ថា គេ​អាច​ជម្នះ​ក្បាច់​កែង​នោះ​បាន។