ភ្នំពេញ: កីឡាករ​កម្ពុជា​ទាំង​ពីររូប​រួម​មាន រឿម វណ្ណៈ មកពី​ខេត្ត​បន្ទាយមានជ័យ និង​មាស ច័ន្ទ​មាន មកពី​សមាគម​ក្រសួង​ការពារជាតិ សុទ្ធសឹង​បាន​ចាញ់​ពិន្ទុ​កីឡាករ​ថៃ ទោះបី​ពួកគេ​ខិតខំ​ប្រកួត​ស្វិតស្វាញ​ចំនួន ៥ ទឹក ការប្រកួត​វគ្គ​ជម្រុះ​សន្សំ​ពិន្ទុ​សប្តាហ៍​ទី ២ ខ្សែក្រវាត់​ខារ៉ាបាវ​ទម្ងន់ ៦៣,៥ គីឡូក្រាម កាល​ពីល្ងាច​ថ្ងៃ​សៅរ៍ ទី ១៣ ខែ​មេសា ឆ្នាំ ២០១៧ នៅ​សង្វៀន​អាស៊ីអាគ្នេយ៍ ក៏ដោយ។ ចំណែក​គូអន្តរជាតិ​ពេល​ព្រឹក​ថ្ងៃ​អាទិត្យ​វិញ កីឡាករ​សេក គឹមផៃ ត្រូវបាន​កីឡាករ​ជើង​ថ្មី​របស់​ថៃ កែវ កាន់វ៉ាន់ វាយ​យ៉ាង​គ្រាំគ្រា មុននឹង​ចាញ់​ដោយ​ពិន្ទុ​ពេល​ចប់​ទឹកទី ៥។