ភ្នំពេញៈ ក្រុម​វេស្ទើន​ពេញ និង​ក្រុម​មជ្ឈម​ណ្ឌល​កំចាត់​មីន​កម្ពុជា (ស៊ីម៉ាក់) នឹង​វិល​មក​ជួបគ្នា​ថ្ងៃ​ពុធនេះ ដើម្បី​ប្រកួត​ជម្រះ​ភាព​មន្ទិល​សង្ស័យ​រក​ក្រុមមាន​អាទិភាព​ត្រូវ​ឡើងទៅ​ប្រកួត​វគ្គ ៨ ក្រុមនៃ​ពាន​រង្វាន់​សម្តេច​ហ៊ុន​សែន លើក​ទី ១០ ឆ្នាំ ២០១៦ ខណៈ​ភ្នំពេញ​ក្រោន​និង​អគ្គ​ស្នងការ​នគរបាល​ជាតិ (ប៉ូលិស) អាច​នឹង​ឈ្នះ​នៅថ្ងៃ​នេះដែរ ឯ​ណាហ្គាវើល ទទួល​បាន ៣ ពិន្ទុ​ដោយ​ស្វ័យប្រវត្តិ ព្រោះ​ពួកគេ​ត្រូវ​ជួប​ក្រុម​ខេត្ត​ព្រះវិហារ ដែល​បាន​សុំដក​ខ្លួន។