ភ្នំពេញៈ ក្រុមហ៊ុន​ទូរគមនាគមន៍​ចល័ត​ឈាន​មុខគេ Smart Axiata បាន​ប្រកាស​ពី​ភាព​ជា​ដៃគូ​ជាមួយ​អង្គការ ដើម្បី​ភាព​ញញឹម​នៃ​កុមារ (PSE) និង​ស្ថាប័ន​មនុស្សធម៌​អន្តរជាតិ​គឺ​មូលនិធិ Real Madrid(RMF) រយៈពេល ៤ ឆ្នាំ ក្នុងការ​បង្កើត​គម្រោង «សាលារៀន​សង្គម​កីឡា» ក្នុង​ទីតាំង​របស់ PSE ដែល​ស្ថិត​នៅ​អគារ​លេខ ៤០២ ភូមិទ្រា សង្កាត់​ស្ទឹងមានជ័យ ហើយ ការសហការ​រួមគ្នា​រវាង​ស្ថាប័ន ទាំង ៣ នេះ បាន​ឈាន​ដល់ការ​បង្កើត​ទីលាន​បាល់ទាត់​សិប្បនិម្មិត​ដ៏ថ្មី​សន្លាង​មួយ សម្រាប់​ឲ្យ​ក្មេងៗ​បាន​ហ្វឹកហាត់ និង លេង​កីឡា បន្ថែម​ទៅ​លើការ​សិក្សា​រៀនសូត្រ​របស់​ពួកគេ។