ភ្នំពេញៈ ​កីឡាករ សេង ​ស្រឿន​ ក្លិប​ព្រះខ័នរាជ ​បាន​ឈ្នះ​ ៣ ​ពិន្ទុ​ជា​លើក​ដំបូង​ក្នុង​ការ​ប្រកួត​សន្សំ​ពិន្ទុ ដណ្តើម​​ខ្សែក្រវាត់​លីអូ​ នៅលើ​សង្វៀន​រោងសៀក ​ដោយ​រូប​គេ​បាន​​វាយ​កីឡាករ​ចាស់​វស្សា​សល់ ​ពិសិដ្ឋ ​ឲ្យ​អាជ្ញាកណ្តាល​រាប់​ចំនួន​ ៤ ​លើក ​ហើយ​ក៏​បញ្ឈប់​ត្រឹម​ទឹក​ទី​ ៤ ​ប៉ុន្តែ​ជើងខ្លាំង ឈឿន ​ឆៃដែន ​ត្រូវ​បាន​គណៈកម្មការ​ ចាប់​កំហុស​​សម្រេច​​ឲ្យ​ចាញ់ ម៉ន លីហួរ ដោយសារ​គេ​បាន​វាយ​កែង​ពី​ក្រោយ​ជា​កន្លែង​ហាម​ឃាត់ បណ្តាល​ឲ្យ ​លីហួរ ​សន្លប់​នៅ​ទឹក​ទី ១ ​​។​