ភ្នំពេញៈ ក្រុម​អាស៊ីអឺរ៉ុប បានធ្វើ​ការរុះរើ​កីឡាករ​ក្នុងស្រុក​ស្ទើរ​ទាំងស្រុង និងដាក់​មកវិញ​នូវ​កីឡាករ​ខ្មែរ​ចំណូល​ថ្មី រួមទាំង​កីឡាករ​បរទេស​ដែល​មាន​បទពិសោធ​លេង​ខ្ពស់​ចំនួន ៤ នាក់​ទៀត ដើម្បី​ត្រៀម​ការប្រកួត​ក្របខ័ណ្ឌ​លីក​កំពូល​កម្ពុជា ឆ្នាំ ២០១៧ នេះ ហើយ​អគ្គលេខាធិការ​របស់ក្លិប​មួយនេះ សង្ឃឹម​ថា អាស៊ី​អឺរ៉ុប នឹងមិន​ទទួលបាន​ភាពជូរចត់​ជាមួយ​លទ្ធផល​ដ៏អាក្រក់​ដូចការ​ប្រកួត​កាលពី​រដូវកាល ឆ្នាំ ២០១៦ ទៀត​នោះទេ។