ភ្នំពេញ: ការ​ប្រកួត​ជ្រើសរើស​ជើង​ឯក​ជាតិ​ប្រចាំ​ឆ្នាំ ២០១៦ សម្រាប់​ទូក​ប្រពៃ​ណី ទូក​កានូ និង​កាយ៉ាក់ នឹង​ត្រូវធ្វើ​ឡើង​រយៈ​ពេល ៦ ថ្ងៃ​នៅមុខ​សួនច្បារ​តាខ្មៅ​ ក្រុង​តាខ្មៅ​ ខេត្ត​កណ្តាល​ ចាប់​ពីថ្ងៃ ២៣ ដល់ទី ២៨ ខែ​កញ្ញា ឆ្នាំ ២០១៦ នេះ​ដោយ​ មាន​អង្គភាព​ស្ថាប័ន​កីឡា​ចំនួន ៧ ចូលរួម។ ការ​ប្រកួត​នេះជា​កម្ម​វិធី​ប្រចាំ​ឆ្នាំ​របស់​ក្រសួង​អប់​រំ យុវជន​ និង​កីឡា​ ដែល​មាន​នាយក​ដ្ឋាន​អប់​រំ​កាយ និង​កីឡា ព្រម​ទាំង​សហព័ន្ធ​កីឡាទូក​កម្ពុជា​ជា​អ្នក​អនុវត្ត​គម្រោង។​