ភ្នំពេញ: គណៈកម្មការ​រៀបចំ​ព្រឹត្តិការណ៍​កីឡា និង​ទេសចរណ៍​ក្នុង​ទិវារត់​ប្រណាំង​ពាក់កណ្តាល​ម៉ារ៉ាតុង​លើកទី ២១ នៅមុខ​ប្រាសាទ​អង្គរវត្ត​ខេត្ត​សៀមរាប​ប្រទេស​កម្ពុជា បាន​បិទបញ្ជី​របស់ខ្លួន​រួចហើយ​កាលពី​ម្សិលមិញ ដោយ​ក្នុងនោះ​តួលេខ​ជាផ្លូវការ​មាន​អ្នក​ចុះឈ្មោះ​សរុប​ចំនួន ៩០០០ នាក់ និងមក​ពី ៧៥ ប្រទេស ខណៈដែល​អ្នករត់​មាន​សញ្ជាតិ​កម្ពុជា មានជាង ៤០០០ នាក់។ នេះតាម​ការឲ្យ​ដឹងពី​មន្ត្រី​គ្រប់គ្រង​កម្មវិធី​របស់​គណៈកម្មាធិការ​ជាតិ​អូឡាំពិក​កម្ពុជា កាលពី​ព្រឹក​ម្សិលមិញ។