ភ្នំពេញៈ ព្រឹត្តិការណ៍​ប្រកួត​កីឡា Asian Indoor and Martial Arts Games 2017 នៅ​ទីក្រុង​អាសហ្គាបាត ប្រទេស​តួកម៉េនីស្ថាន ដែល​រៀបចំ​ពីថ្ងៃ​ទី ១៧ ដល់​ថ្ងៃ​ទី ២៨ ខែ​កញ្ញា ខាងមុខ​នេះ​ប្រទេស​កម្ពុជា នឹង​បញ្ជូន​តែ​ប្រភេទ​កីឡា​រាំ​អន្តរជាតិ​មួយ​ប៉ុណ្ណោះ​ទៅ​ចូលរួម ដោយសារ​ការប្រកួត​គ្រាន់​តែ​ចូល​ក្នុងការ​បំពេញ​កាតព្វកិច្ច​ជា​សមាជិកភាព ឯ​បេសកកម្ម​ដែល​សំខាន់ គឺ​ផ្តោត​ទៅ​លើ​កិច្ចប្រជុំ​ក្នុង​នាម​ជា​សមាជិក​ក្រុមប្រឹក្សា​អូឡាំពិក​អាស៊ី។ នេះ​បើតាម​ការបញ្ជាក់​របស់ លោក វ៉ាត់ ចំរើន ប្រធាន​ប្រតិភូ​ដែល​ដឹកនាំ​ទៅ​ចូលរួម​ប្រកួត។