ក្លិប Chelsea បាន​ជ្រើសរើស​យក​ខ្សែ​ប្រយុទ្ធ Alexis Sanchez របស់​ក្លិប Arsenal ជា​គោលដៅ​ដ៏ចម្បង​របស់​ពួកគេ​ក្នុងការ​ទិញចូល នៅ​រដូវក្តៅ​ខាង​មុខនេះ ហើយ​លោក Antonio Conte បាន​ធ្វើការ​ពិភាក្សា​រួចជាស្រេច​ពីភាព​ដែល​អាច​ក្នុង​ការនាំ យក​តារា​ឆ្នើម​អន្តរជាតិ​ស៊ីលី​រូបនេះ ទៅកាន់​កីឡដ្ឋាន Stamford Bridge ជាមួយ​នឹង​ថ្នាក់​ដឹកនាំ​របស់​ក្លិប​របស់​លោក។ អ្នកចាត់ការ​ទូទៅ​សញ្ជាតិ​អ៊ីតាលី​រូបនេះ កំពុង​តែ​ធ្វើការ​ពិភាក្សា​ជាមួយ​នឹង Chelsea ជុំវិញ​កិច្ចសន្យា​ថ្មី​មួយ ហើយ​ក្នុងនោះ គោលដៅ​ដោះដូរ​កីឡាករ​នា​រដូវក្តៅ ក៏ត្រូវ​បាន​លើក​យកមក​ពិភាក្សា​ផង​ដែរ។