ភ្នំពេញៈ ​សហព័ន្ធ​កីឡា​អេឡិច​ត្រូ​និក​កម្ពុជា ​(E-Sport) បាន​ធ្វើ​សន្និបាត​វិសាមញ្ញ និង​បាន​តែង​តាំង​លោក​ ជា​ ច័ន្ទ​បរិបូរណ៍ រដ្ឋ​លេខាធិការ​ក្រសួង​ព័ត៌មាន និង​ជា​ទី​ប្រឹក្សា​គណៈ​កម្មាធិការ​ជាតិ​អូឡាំពិក​កម្ពុជា (NOCC) ​ឲ្យ​ធ្វើ​​ជា​អនុប្រធាន​ទី ១ របស់​សហព័ន្ធ​នេះកាល​ពី​ម្សិល​មិញ ​ដើម្បី​ចូល​រួម​អភិវឌ្ឍន៍​កីឡា E-Sport ឲ្យ​កាន់​តែ​រីក​ចម្រើន ​មុន​ពេល​ក្រុម​កីឡា​អេឡិចត្រូ​និក ចេញ​ទៅ​​ប្រ​កួត​ការ​ពារ​តំណែង​ជើង​ឯក​ក្នុង​ការ​ប្រកួត​អន្ដរជាតិ MATIC 2016 (Mission Against Terror International Championship) នៅ​ប្រ​ទេស​ឥណ្ឌូនេស៊ី​ នា​​ថ្ងៃ​ទី ១៣ ​ដល់​ថ្ងៃ​ទី ១៨ ​ខែ​មករា នេះ។​